Tunngaviusumik inatsisissaq pillugu isumalioqatigiissitap allaffissai 7,4 millionit koruuneqartut

Tunngaviusumik inatsisissaq pillugu isumalioqatigiissitap allaffittaarnissaanut aningaasaliinissaq akuersissutigineqarpoq.
januaarip 04-at 2018 11:57

Inatsisartut aningaasaqarnermut akileraartarnermullu ataatsimiititaliaata tunngaviusumik inatsisissaq pillugu isumalioqatigiissitap allaffittaarnissaanut 7,4 millionit koruuninik juullip ukiortaallu akornanni aningaasaliinissaq akueraa.

Tunngaviusumik inatsisissaq pillugu isumalioqatigiissitaq atuutilermalli Namminersorlutik Oqartussani allaffissaaleqisoqarpoq.

Taamaammat Nuummi Noorlernut normu 4-ami allaffeqalernissamut atatillugu 7,4 millionit koruuninik aningaasaliinissaq ataatsimiititaliap akuersissutigaa.

AAMMA ATUARUK Tunngaviusumik inatsisissaq pillugu sulineq unitsinneqarallartoq

Tassani init tunngaviusumik inatsisissaq pillugu isumalioqatigiissitap allaffigilissavai, maannamut init  attartorneqartut mikivallaaqimmata, tamanna qinnuteqaammi allaqqasoq atuarneqarsinnaavoq.

Allaffissaq 7 milliuunit koruuninik akeqarpoq tamatumalu saniatigut allanngortiterinissamut 400.000 koruunit atorneqartussatut illuartinneqarput.

Tunngaviusumik inatsissaq pillugu isumalioqatigiissitap sulinera naammassippat init Namminersorlutik Oqartussanit atorneqalersinnaasut innersuussummi aamma allaqqavoq.

Pisinissamut atatillugu Inuit Ataqatigiinni Siumumilu amerlanerussuteqartut akuersipput

Isumalioqatigiissitallu sulinera unitsikkallarneqartoq pingasunngornermi saqqummiunneqarpoq, kikkut ilaasortaaasinnaannersut paatsuungassutigineqarmat.

AAMMA ATUARUK Tunngaviusumik inatsisissaq pillugu isumalioqatigiissitaq sulinerusariaqarpoq

AAMMA ATUARUK Forfatningsudkast behøver ikke at være færdig i 2018

AAMMA ATUARUK Isumalioqatigiissitami ilaasortat akissarsiaqartinnissaat isumaqatigiissummut naapertuutinngilaq