Tungusunnitsut Arsummi aningaasarsiutaalersinnaapput
-Pikkorissaatigineqarput igutsaat pissusai, sunaaffa igutsaat peqqissaarluinnartuusut, igutsaat pissusai, qanoq inneri qanorlu pissuseqarneri. Qanoq nakkutigisariaqarneri, igutsaat ukiumi nammineertorujussuuppu, kisianni alakkarneqallattaartussaallutik, Jonna Umeerinneq oqarpoq.
Jonna ulluinnarni atuarfimmi eqqiaasutut igasutullu suliffeqarpoq, neriuutigaluguli siunissami igutsannik tungusunnitsuliorsinnaassalluni.
- Maanna igutsaatitaarnissarput anguniarlugu Narsarsuarmi piginnittoq peqatigalugu peqatigiiffiliorpugut, aappaagu aappaaguaguluunniit igutsaatitaarnissarput anguniarneqarsinnaavoq. Illoqarfitsinni siunnersortissaaleqinarpoq, taamaammat suli Narsarsuarmi piginnittorlu oqaloqatigeeqqinnikuunngilagut alloriaqqinnikuunatalu, Jonna Umeerinneq oqarpoq.
Igutsaat Jonna Umeerinnerup allallu tallimaasut, igutsaat tungusunnitsuliornerminni, igutsaat atugassaat Sverigimeersuupput, taakku Kalaallit Nunaata silaannaanut naleqqussarsimasuummata.
Igutsak tungusunnitsuliortartoq Kalaallit Nunaanni uumasuunngilaq. Taamaattumik misissuinerit arlaqartut ingerlanneqassapput, maannamulli paasineqareersut sumiiffinni igutsannik eqqunneqarsimasunit pisut pitsaanngitsumik kinguneqarsimanngitsut paasineqarpoq.
Kommuneqarfik Sermersuumi Inuussutissarsiutinut inersaavik Kommune Kujallermi igutsaatilinnik suleqateqarluni igutsaateqarnermik pikkorissartitsisuuvoq.