Ilinniarneq

Naalakkersuisup ilinniartitsisut tuluit nunatsinnukartalersinniarai

Nunatsinni ilinniartut ilinniartitsisunngorlaanit USA-meersunit tuluttut atuartinneqartalernissaat ilinniartitaanermut naalakkersuisoqarfiup sulissutigaa.
Allattoq Inge S. Rasmussen, Sara K. Jakobsen
septembarip 18-at 2017 13:31

Tassungalu atatillugu ilinniartitaanermut naalakkersuisoq Doris Jakobsen Jensen paasisassarsiorluni USA-mi angalavoq, USA-llu nunanut allanut tunngasunut ministereqarfianeersunik ataatsimeeqateqarluni.

Ataatsimiinnermilu isumaqatigiissutigineqarpoq Kalaallit Nunaat aaqqissuussinermi ETA-mi ilaassasoq. USA-mi ilinniartitsisunngorlaat aaqqissuussaq ETA aqqutigalugu nunanut allanut ilinniartitsiartortarput.

Ilinniartitaanermut naalakkersuisoqarfimmi pisortap Lone N. Møllerip KNR-imut paasissutissiissutigaa ilinniartitsisunngorlaat marluk nunatsinni tuluttut ilinniartitsisunik tapertaallutik ukioq ataaseq misiliummik ilinniartitsiartussasut.

AAMMA ATUARUK Atuarfiit 1. klassimit tuluttut atuartitsisalernissaq 'all ready'-raat

Ilinniartitsisarnissaalli qanoq qaffasitsigissanersoq suli aalajangerneqanngilaq, kisianni ilinniarnertuunngorniarnermi qaffasissumilluunniit ilinniarnermi ilinniartitsisassasut, pisortaq paasissutissiivoq.

Doris Jakobsen Jensen USA-mi angalanermini nunap immikkoortuani sisamani atuarfiit highs schoolit assigiinngitsut pulaarpai, ilaatigut indianerit atuarfiat Sequoyah High School pulaarsimallugu.

AAMMA ATUARUK Sermersuumi atuartut 1. klassimit tuluttut ilinniartinneqartalissasut

AAMMA ATUARUK Hvad skal erstattes af engelsk?

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk