Tuluit Nunaanni toqunartoq toqussutigineqartoq
Aappariit Amesburymeersut russit toqunartuliaannik Novichokimik napparsimalersimasut juunip 30-ani napparsimavimmut unitsinneqarmata paasineqarpoq.
Novichok sorsunnerup nillertup nalaani Sovjetunioniusimasumi sananeqarpoq, tassanngalu Russit kilitsissiarisimasaat Sergej panialu Julia Skripal ukioq manna marsip sisamaani saassunneqarnerannut sakkugineqarluni.
AAMMA ATUARUK Russit diplomaatit aniatikkaat
Ruslandi saassussinermut Tuluit Nunaannit akisussaatinneqarpoq, Sergej Skripal Ruslandimi kilitsissiaasimammat Englandi ikiorlugu.
Sergej Skripalip panianullu saassusseriarnermi sakkuusimasut sinnikuinit qimaannakkanit aappariit Amesburymeersut sunnerneqarsimasut Tuluit Nunaanni politiit pasitsaappaat. Taannalu arnap toqqutigigaa ilimagineqarluni.
AAMMA ATUARUK Danmarkip aallartitat marluk anisippai
