Kalaallit Nunaanni naalakkersuisut nutaat aalisartunut pakatsisitsisut: Sivikitsuinnarmik atanissaat ilimagivaa

Kalaallit Nunaata naalakkersuisortaassai ataasinngornermi pisortatigoortumik akuerineqarnissaat sioqqullugu Jens-Frederik Nielsenilu (Demokraatit) naalakkersuisuni siulittaasunngornissaanut, pissaanilimmiit akerlilersorneqalereerput.

Naalakkersuisoqatigiit partiit sisamaallutik sapaatip-akunnerata siuliani saqqummiussaanni naalakkersuisoqatigiit isumaqatigiissutaat “pakatsinartorujussuuvoq”. 

Taama Kalaallit Nunaanni Aalisartut piniartullu kattuffianni KNAPK-mi 1900-nik ikinnerunngitsunik ilaasortalik, nunalu tamakkerlugu ilaasortaqarfiusoq, siusissumik isummiussaat nipeqarpoq.

- Aallartilluarnatilluunniit neriorsuutiminnik unioqqutsitsipput. Aalisartunut iluaqutaasussamik aalisarnermut inatsip aaqqissuunneqarnissaa erseqqissumik oqaatigaat, KNAPK-mi pisortaaneq Vittus Qujaukitsoq Demokraatinut innersuusilluni oqarpoq.

Vittus Qujaukitsoq naalakkersuisunut ilaasortaanikuuvoq, Nalerarlu tunuliaqutaralugu Inatsisartunut qinigassanngortippoq iluatsinngitsumilli.

Sinerissap qanittuani aalisartunit “sakkortuumik akerliusoqarnissaa” naalakkersuisunngorlaallu “sivikitsuinnarmik atanissaat”  aalisarnermut pisortap takusinnaalereerpaa.

Aalisarnermut inatsip naalakkersuisuujunnaalersut 2024-mi isumaqatigiissutigisimasaat, assortuussutaanera ajornartorsiutaavoq.

Siunissaq pillugu ernummateqartut

Sinerissap qanittuani aalisartut piniartullu sinniisuutitaqartut, avataasiorluni aalisarnermut suliffeqarfissuarnit ingerlanneqartunit iluaqutaasussamik, peqatigiiffiup oqarnera naapertorlugu KNAPK-mit aarleqqutigineqarpoq.

- Pisassaminnik tuniniaasartut amerlapput, ilaqarpullu aalisarnerup iluani tunngaviusumik ingerlatiseqqikkusunngitsunik. Tamanna kingunerissavaa, Vittus Qujaukitsoq oqarpoq.

Kalaallit Nunaanni inatsisartunut qinersinermi aalisartunut iluatsitsilluarnertut isikkoqaraluarami.

Demokraatit aamma Naleraq aalisarnermut inatsimmut isornartorsiuingaatsiartuunikuusut siuariarujussuarput, akerlianik partiit naalakkersuisuutitaqartut Inuit Ataqatigiit (IA) aamma Siumut aalisarnermut inatsimmik akisussaasuusut kinguariarujussuarput.

Taamaakkaluartoq Demokraatit IA-kkunnik Siumukkunnik Atassutikkunnillu naalakkersuisoqatitaarput.

Naalakkersuisoqatigiinnissamut isumaqatigiissummi partiit ilaatigut, aalisarnermut inatsit “misissorluarneqassasoq” taamaalilluni “ pissutsit aalisartunut nunattalu aningaasarsiornissaannut periarfissamik naleqqutinngitsut” aqqinneqarnissaannut isumaqatigiissuteqarput.

Vittus qujaakitsullumi Demokraatit inatsimmik atorunnaartumik tamakkiisumik atuutilersitseqqinnissaq qineqqusaarutiginngikkaat takusinnaavaa. 

Suliffinnik annaasaqaataassasoq

Inatsisartunut qineqqusaarnermi Demokraatit pilersaarutaanni aalisarnermut “inatsit ajortoq”, “suliffinnillu annaasaqaataassasoq” oqaatigaat.  

Taamaammat partiip aalisarnermut inatsit alllanngortinnissaanut pilersaarusiornissaq pillugu aalisartut aalisartitseqatiiiffiillu oqaloqatiginarpaat.  

Naalakkeruisoqatigiit nutaat aalisarnermut politikkimi “ tunngaviusumik isumaqatigiinngerujussuartut” politikkikkut naliliisartoq, Kalaallit Nunaata politikkianut qanimut malinnaasoq, Lars Trier Mogensen naliliivoq.  

- Naalakkersuisoqatigiinni politikkikkut ajoquseerujussuarsinnaavoq.  

Aalisarnermi nunatta aningaasaqarneranut taamaallaat sunniuteqanngilaq, piorsarsimassutsinnummi, nunaqarfeeqqallu atanerannut aamma sunniuteqangaatsiarpoq, taanna nassuiaavoq.  

Taamaammat naalakkersuisuusartut ukiorpassuarni aalisarnermut inatsit iliuuseqarfiginissaa “qunuginikuuaat”.  

- Matuninnga allannguingaartoqarpat, inoqarfiit mikisut ilaanni aningaasarneq ajutuussaaq, taakkunani najugaqarnissaq inuuniarnissarlu aningaasaqarnikkut imminut nappassinnaanani, Lars Trier Mogensen oqarpoq. 

Naalakkersoqatigiit aalisarnermut inatsit pillugu apeqqut kinguartinniarsarissagaat taassuma ilimagaa.  

- Suliaq Jens-Frederik Nielsenimut imaannaanavianngilaq, taamaammat naalakkersuisoqatigiinnut avissaartuutsitsisinnaanissaa ilimanaateqarpoq.