Tuluit Nunaanni politiit 100-nit ikinnerunngitsut sakkulisarumajunnaartut
Londonimi politiit 100-nit ikinnerunngitsut suleqatimik ilaat toqutsisimasutut eqqartuussaareernerani sulitillutik sakkulisarumajunnaarput.
Tusarfiit ilaat tuluit nutaarsiassaqartitsiviannut BBC-mut oqarpoq.
Oqaaseqartartup oqarnera naapertorlugu Londonimi politiit suleqatimik ilaat angummik 24-nik ukiulimmik taartumillu amilimmik, tassa Chris Kabamik Londonip kujataani siorna toqutsisimasutut eqqartuussaareernerani sioorapput.
Tuluit Nunaanni politiit amerlanerpaartaat sulitillutik sakkulisartanngillat. Tassa sakkunik atuinermik immikkut sungiusarsimasuinnaat sulitillutik sakkulisartarput, tassalu taakkunannga 100-nit ikinnerunngitsut akerliullutik sulitillutik sakkulisarumajunnaartuupput.
Taakku sulitillutik sakkulisarumajunnaarneranni Tuluit Nunaata illersornissaqarfia pinartuni tapertaassalluni piareersimavoq.
Tassa illersornissaqarfiup sakkutuui pinartuni pisariaqarpat ikiuussinnaallutik neqeroorput.
Londonimi politiit ulluni kingullerni uitsataaqaat. Tamaanimi politiit 1000-t missaat sulianut ilungersunartunut attuumassuteqarmata suliunnaarallartitaanngikkunik nakkutigineqarlutik sulisut, sapaatit akunnerata siuliani paasinarsivoq.
