Tuluit Nunaanni oqartussat uuliakoortoqareernerani nalunnguannginnissaq innersuussutigigaat
Tuluit Nunaata kujasissortaani uuliasiorfissuarmit uulia maqilersimavoq.
Tuluit Nunaata immikkoortuani Dorsetimi oqartussat tusagassiorfimmut Sky Newsimut taama paasissutissiipput.
Uuliamik qillerivissuaq, Wytch Farm, Europami uuliasiorfissuit nunamiittut anginerpaartaraat.
Uuliamik maqisoorneq upalugaarsimasunit immikkorluinnaq suliarineqartussatut oqartussanit nalunaarutigineqarpoq 'major incident-imik' taasamik, tassa ajutoorneq ilungersunarluinnartutut taaneqarluni.
Uuliap maqisup annertussusaa, nappartat 200-t missaanniittutut, tuluit aviisiata The Guardianip allaaseraa.
Tuluit Nunaata immikkortua Dorset assigiinngitsorpassuarnik uumasoqartoq, immikkut soqutiginaatilittut ilisimatuunit oqaatigineqartarpoq.
Uuliamik maqisoqarnerata kinguneranik illoqarfimmi Poolep sissaani inuit nalunnguaannginnissaat oqartussanit innersuussutigineqarpoq.
