Isumasiuineq: Tuluit Corbyn Mayimit piukkunnerugaat
Qinersisartut 35 procentiisa Jeremy Corbyn premierministererusuppaat, 35 procentillu Theresa May premierministeriutiinnarusullugu.
Qinersisartut 30 procentii suli aalajangersimanngitsut, misissueqqissaartarfiup YouGovip aviisi The Times sinnerlugu isumasiunerata ersersippaa.
Konservativet partiiat juunip arfineq-pingajuani qinersinermi angusarissaanngilaq. Mayip Tuluit Nunaata EU-mit aninissaa pillugu isumaqatigiinniarnissaq sioqqullugu qinersisartunit piginnaatinneqarnermi nukittorsarneqarnisaaa qilakkeerniarsimagaluarpaa.
Jeremy Corbynip tapersersorneqarnera Tuluit Nunaanni qineqqusaartoqarnera alliartuinnarsimavoq, peqatigisaanillu Theresa Mayip tapersersorneqarnera milliartorluni.
Qinersisartut inuusuttuunerusut Corbynimik tapersersuisuupput.