Tuluit Nunaanni Underhusimi marlunngormat aalajangerneqarpoq tuluit decemberip ulluisa aqqaneq aappaanni qinersissaasut, tamannalu oqaluttuarisaanermi sunniuteqassasoq tuluit aviisiisa ilaatigut allaaseraat.Assi: Uk Parliament/Reuters/Ritzau Scanpix

Tuluit aviisii: Inatsisartunut qinersinissaq oqaluttuarisaanermi aalajangiisuussaaq

Tuluit inatsisartunut ukioq naatinnagu qinersisussanngorput - Tuluit Nunaannilu aviisit qinersinissaq pillugu isummersuutinik allaaserisaqarput.

Tuluit Nunaanni Underhusimi marlunngormat aalajangerneqarpoq tuluit decemberip ulluisa aqqaneq aappaanni qinersissaasut, tamannalu oqaluttuarisaanermi sunniuteqassasoq tuluit aviisiisa ilaatigut allaaseraat.

Aviisillu qinersinissaq pillugu arlalinnik allaaserisaqarput.

- Ukiuni 40-ni Inatsisartunut qinersinissaq pingaaruteqarluinnartussaavoq immaqa sorsorsunnersuup kingornatigut, qinersinermilu inernerit kinguaariinnut tulliuttunut tamanna takutissavaa, Daily Mailsimi aaqqissuisoqarfiup allaaserisaani taama allaaserinneqartoqarpoq.

AAMMA ATUARUK Tuluit EU-mit aninissaat kinguarteqqinneqartoq

Aviisit ilaata aliikkutassianik uissuumminarsinnaasunillu allaaserinnittartup saqqummiuppaa, ministeriunerup Boris Johnsonip EU peqatigalugu brexit pillugu isumaqatigiissut inississallugu sapinngikkaa Underhusemilu akueritillugu.

Taamaattumik qinersisartut EU-mit aninissaq pillugu pilersaarummut periarfissiissariaqartut, Daily Mail allaaserisaqarpoq.

The Sun allaaserisaqarpoq qinersineq pissanganarluinnassasoq - inuunerlu naallugu aalajangiisooratarsinnaasoq. Aviisip aamma allaaseraa qinersisartunik isumasiuineq naapertorlugu politikikkut illuatungiliuttut, Labourit partiinit marlunnit aatsaat taperserneqarunik amerlanerussuteqarsinnaasut.

AAMMA ATUARUK Boris Johnson decembarimi nutaamik qinersititsiniartoq

The Daily Mirror aamma allaaserisaqarpoq, qinersineq pissaanerup nukinnissaanut periarfissiissasoq tamannalu pisariaqarluinnartoq.

- Johnson siuttutut iluatsitsinngitsoorluni qineqqusaartussanngorpoq, oktobarimmi ulluisa 31-anni tuluit EU-mit aninissaat neriorsuutigigaluarpaa tamannali iluatsinngilaa.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat