USA-p Kalaallit Nunaat isumannaallisaaneq pillugu pisariaqartikkaa, USA-p præsidentiata Donald Trumpip sisamanngornermut unnuaani aammaarluni oqaatigaa.

Nutaarsiassaqartitsivik Reuters taama allappoq.

Trump USA-mi naalagaaffimmi Floridami illoqarfissuarmi Miamimi ataatsimeersuartoqarneranut pingasunngornermi unnukkut peqataavoq. Trump pisut assigiinngitsut pillugit Washington D.C.-mut uteriartornermini præsidentip timmisartorsuani Air Force Onemi oqaaseqarpoq.

Kalaallit Nunaalli pillugu tassani oqaaseqarsimanersoq itinerusumik nassuiaatigineqanngilaq.

Trump præsidentitut ivertinneqaramili Danmarkip USA-llu akornanni pissutsit najummassimanarput, Kalaallit Nunaammi aqukkusullugu ivertinneqarnermi kingorna oqaatigeqqippaa.

Kalaallit Nunaannik aqutsilerusunnermik kissaat, Trumpip inoqatinut attaveqaqatigiittarfiutimini Truth Socialimi decembarimi saqqummiukkamiulli Kalaallit Nunaat sammineqangaatsialerpoq.

Kalaallit Nunaannik aqutsilerusunneq pillugu kingorna oqaaseqaqattaarpoq.

- Isumaqarpunga pigilerumaaripput, præsident Trump nutaarsiassaqartitsivimmit CNN-imit januaarip naalernerani apersorneqarluni oqarpoq.

USA Kalaallit Nunaannik, Canadamik kingullertigullu aamma Gazamik ilaneqassasoq præsidentip Air Force Onemut ilaalluni tusagassiortunit apersorneqarluni februaarip ulluisa qulinganni oqaatigaa.

Donald Trumpip Kalaallit Nunaannik aqutsilerusunnera Naalakkersuisut siulittaasuannit Múte B. Egedemit (IA), Danmarkillu ministeriuneruneranit Mette Frederiksenimit(S) akerlilerneqarpoq.