Kalaallit Nunaat USA-mit aqunneqalerpat, aningaasaqarnikkut annertuumik USA-mut iluaqutaassaaq.

Taama republikanineersoq senatoreq Ted Cruz nunap immikkoortuisa ilaanni Texasimi qinigaasoq isummerpoq.

Kalaallit Nunaat pillugu Ted Cruzip senatet tusarniaavigalugit aggersarpai, taakkulu ataatsimiititaliami oqallinneranni taama isumaqarluni oqarpoq.

Tusarniaaaneq nunatta nalunaaqutaa naapertorlugu ualeru ataatsimut pissaaq, tassa Ted Cruz aggersaavoq tusarniaallunilu, ataatsimiisitaliamilu inua tusarniaavigineqarpoq.

Ted Cruzip tusarniaavigineqarnermini aningaasaqarnikkut aamma periusissamut tunngatillugu pitsaaquteqarneranik qaammaassaqarnerulerusuppoq.

- Una tusarniaanermik aggersaaneq USA-p Kalaallit Nunaat sutigut iluaqutigisinnaaneraanik ersersitsinissaa ilimagaara, taama Ted Cruz aggersaanermi tunngavilersuutigaa.

Nunarsuarmi qeqertat anginersaata pisuussutai, amerikamiunut pilersuinermi aamma suliffissuarnut iluaqutaasinnaaneranik isummerpoq.

- Qeqertap inissisimavia illersornissatsinnut ajunngequteqarpoq. Russimmi Kinamiullu sumiiffimmi sorsuukkumanersuat sumiiffimmi upalungaarsimanikkut inissisimavia iluaquteqarpoq, Cruz allappoq.