Trumpip nunanut allanut tunngasuni ministeria Kalaallit Nunaat pillugu Bruxellesimi ataatsimiinnissamut EU-mit aggersarneqartoq
EU-mi nunanut allanut ministerit Kalaallit Nunaat qanoq USA-mut attuumassuteqarnersoq ippassaq Bruxellesimi ataatsimiissutigaat.
Ataatsimiittoqareersoq EU-mi nunanut allanut ministeriunerup Kaja Kallasip USA-mi nunanut allanut ministeri EU-mi ataatsimeeqqinnissaminnut aggersarpaa.
Washingtonimissaaq ataatsimeeqataanissamut piareersimalluni Amerikami oqartussat naaperiaannaanerarlugit oqarpoq.
- EU-mi ataatsimoortilluta nukittusaqaagut, aamma nunat inukinnerit nalorninartorsiorfianiinnerini nukittusarpugut.
- USA-li sakkutooqarnikkut illersoqatigiiffigaarput, taamaammat tassunassaaq suleqatigissavavut, Kaja Kallas oqarpoq.
Suleqateqarnissamut ammanini kiisalu Danmark illersorniarlugu EU-mi nunanut allanut ministeriuneq ersersitsiniaavoq
Trumpip sakkutuut aamma akitsuuserinernik sakkulersornissamik sioorasaarutaa allatut paaseqquaa, niueqatigiinniarnerulli ilungersunassamaarneranik erseqqissaavoq.
Kaja Kallas niueqatigiittoqarnissamik oqaaseqarnini ima erseqqissarpaa:
- Kalaallit Nunaat pillugu niueqatigiittoqarnianngilaq, Danmark taperserparput Kalaallillu Nunaata namminersornera taperserparput, Kaja Kallas erseqqissaavoq.
