Israelip palæstinamiut Gazap avannarpasissuanut angerlarsinnaalertinniarai

Palæstinamiut innuttai Gazamut utersinnaalersut, Israelimiut ministeriunerata nalunaarutigaa.

Nutaarsiassaqartitsivik Reuters tuluillu nutaarsiassaqartitsiviat BBC taama allapput.

Sorsuuttoqarnerani Israelimiorpaaluit Libanonimiunit tigusarineqartut aniguisinneqarnissaat, Netanyahup qulakkeersimagunarmagit taama nalunaarpoq.

Nutaarsiassaqartitsiviup BBC-p allaatigisaa naapertolugu, tigusarineqartut arfinillit sapaatip akunnera massuma ingerlanerani iperagaassapput.

Hamassikkunnit tigusarineqartut katillugit arfineq-marluk maanna sakkuaakkunnaarnermit iperagaareersimalerput, illuatungaani Israelimiut 200-t missaannik amerlassusillit januaarip ulluisa 19-ianiilli tigusarineqartut maanna aniguisereerpaat.

Ulloq Hamasikkut Israelimiunut saassussiitigalutik inuit 250-it Gazap killeqarfianit 2023-mi oktobarip ulluisa arfineq-aappaanni aallaruppaat - tassa inuit 250-it tigusarineqarput, taamalu anguniagaqarnerini inuit 1200-t toqupput.

Illuatungaani Israelimiut sakkutuui qaammatini 15-ini akersuunnerminni Gazami inuit 47.000-t sinnerlugit toqukkaat, nunami peqqinnissaqarfiata nalunaarutigaat.