Trumpip Johnson Det Hvide Husimut qaaqquaa
USA-p præsidentiata Donald Trumpip, tuluit ministeriunerunerat Boris Johnson Det Hvide Husimut ukiumi nutaami qaaqquaa. Tuluit Nunaanni nutaarsiassaqartitsiviit arlallit taama allaaserisaqarput.
Allattoq Ritzau
Nutserisoq Mads Lynge
Boris Johnsonip USA-mut januaarip qiteqqunnerata nalaani tikeraarnissaa allaaserineqarpoq, tuluit EU-mut januaarip 31-ani ilaasortaajunnaarnissaat sioqqullugu USA-mut tikeraassalluni.
Boris Johnsonip partiia konservatiivit, Tuluit Nunaanni inatsisartunut qaammatip massuma ingerlanerani qinersinermi ajugaarujussuarpoq amerlanerussuteqarlualerlunilu.
Tuluit EU-mi ilaasortaajunnaarpata USA-mik niueqateqarnissamik isumaqatigiissummik nutaamik atsioqatigiittoqarnissaa kissaatigaat.
- Johnsonip januaarip qiteqqunnerata missaani tikeraarnissaa siunnersuutigineqarpoq, tamannali suli aalajangivinneqanngilaq. 2020-lli aallartisimalaarnerani tikeraarnissaa illuatungeriit kissaatigaat, aviisi Sunday Times, tusarfiit Det Hvide Husimeersut aallaavigalugit taama allaaserisaqarpoq.
/ritzau/Reuters