PISUSSAT: Trumpip ivertinneqarnera ima ingerlanneqassaaq

Donald Trump USA-mi præsidentit 45-ssaattut tallimanngornermi uppernarsaatinneqassaaq.

Ivertitsinerup siorna, ingerlanneqarnerani kingornalu qanoq pisoqassanersoq atuaruk (malugiuk: piffissat amerikap kangiani nalunaaqutaq malillugu allaqqapput):

Tallimanngornermi januaarip 20-ani:

* Trump, Pence ilaqutaallu ulloq aallarnerlugu St. John's Episcopal Churchimi naalagiaqatigiissapput.

* Donald Trumpip nuliatalu Melaniap præsidentitut tunuartoq Barack Obama nulialu Michelle Præsidentip Illorsuani tiitoqatigissavaat.

* Tamanna pereerpat Capitol Hillimut biilinik ingerlaaqatigiissapput.

* Nal. 9: Præsidentimik ivertitsineq nipilersortunik aliikkusersuinermik aallartissaaq.

* Nal. 11.30: Ivertitsinissaq pisortatigoortumik ammarneqassaaq. Upperisarsioqatigiit assigiinngitsut siuttui oqalugiassapput.

* Mike Pence præsidentip tullersortaatut eqqartuussiviit qullersaanni eqqartuussisumit Clarence Thomasimit uppernarsaatinneqassaaq.

* Nal. 12: Donald John Trump eqqartuussiviit qullersaanni eqqartuussisumit John Robertsimit USA-mi præsidentit 45-ssaattut uppernarsaatinneqassaaq.

* Trump ivertinneqarnerminut atatillugu oqalugiassaaq.

* Nal. 12.30: Præsidentimik ivertitsineq naammassissaaq.

* Trump Pencelu Kongressimut ulloqeqqasioriartussapput.

* Nal. 15-17: Pennsylvania Avenuekkut Præsidentip Illorsuanut ingerlaaqatigiinneq.

* Nal. 19-23: Trump, Pence nuliaallu ivertitsinermut atatillugu qitinnermik aaqqissuussinernut assigiinngitsunut pingasunut peqataassapput.

Arfininngornermi januaarip 21-ani:

* Nal. 10-11: Naalagiaqatigiinneq nunalu tamakkerlugu qinoqatigiinneq, oqaluffissuarmi Washington National Cathedralimi.

Najoqqutarisat: AFP og NTB

/ritzau/