Trumpip assi Venezuela USA-p naalagaaffeqatigiivini naalagaaffiit 51-iattut ersersitsisoq saqqummiukkaa

USA-p præsidentiata Donald Trumpip nammineq inoqatimut attaveqaammi nammineq pigisamini, Truth Socialimi, assi, Venezuela USA-mi naalagaaffeqatigiit 51-issaattut taallugu, marlunngornerup unnuaani saqqummiuppaa.

Amerikap kujataa avannarlermi nunap assinga saqqummiussaani takuneqarsinnaavoq. Venezuela Amerikamiut erfalasuannik saqqummiussaani takuneqarsinnaavoq.

Assip qulaani allassimavoq "51st State“ - naalagaaffik naalagaaffeqatigiinni ilaasut 51-issaat.

Trumpillu Truth Social-imi allagaanit assilisaq præsidentip illorsuanit inoqatimut attaveqaammi X-imi gamma saqqummiunneqarpoq.  

Trumpip præsidentillu illorsuanit saqqummiussat allamik oqaasertalerneqanngillat.  

Nutaarsiassaqartitsiviup AFP-ip nutaarsiassiinera naapertorlugu, Trumpip assi taanna Kinaliarnermini saqqummiuppaa.

Kinap præsidentia, Xi Jinping, pisortatigoortumik tikeraarnerminut atatillugu maajip 13-ianniit 15-iannut ataatsimeeqatigissavaa.

Venezuelap USA-mut naalagaaffinngortinneqarnissaa eqqarsaatigalugu, Trump Fox Newsimut, ataasinngornermi Amerikap nalunaaqutaa malillugu, oqarpoq.

CNN-ip nutaarsiassiinera naapertorlugu, præsidentip tamanna "pimoorullugu eqqarsaatiginerarpaa“.

Kiffaanngissuseqarnerput illersussavarput

Venezuelami præsidentiugallartoq Delcy Rodriguez suliamut tunngatillugu aamma oqaaseqarpoq.

CNN-ip nutaarsiassiinera naapertorlugu, taassumap nunap USA-mi naalagaaffiit 51-attut ilanngunnissani pilersaarutiginngikkaa, Trumpip taamatut oqaaseqarnerata kingorna, oqaatigaa.

- Innarligassaannginnerput, kisitta oqartussaanerput, kiffaanngissuseqarnerput oqaluttuarisaanerpullu illersortuassavagut, tusagassiortunut oqarpoq.

Venezuela “nunasiaataanngilaq, nunaavorli kiffaanngissusilik”, Rodriguez oqarpoq.

Delcy Rodriguez Venezuelami præsidentiusimasoq Nicolas Maduro USA-p sakkutuuinit tigusarineqarmalli, januaarip aallartinneraniilli præsidentiugallarpoq.

Taassumap Venezuelap USA-mut attaveqarnerata pitsaanerulernissaa præsidentiugallarnermini sulissutigaa. Tamanna aaqqissuusseqqinniarluni aatsitassarsiornermik uuliasiornermillu ingerlatsivinnut nunanit allaneersunut - pingaartumik Amerikamiunut - ammaassinikkut ilaatigut pivoq.

Aammattaaq nunami illuatungiliuttut præsidentimut qinersisoqarnissaa piumasaraat.

Delcy Rodriguezip qinersisoqarnissaa ilimanaateqarnersoq maajip ulluisa aallaqqaataanni aperineqarami, tamanna qaqugu pissanersoq nalunerarpaa.

Anna Kellyp, præsidentip illorsua sinnerlugu oqaaseqartartup, CNN-ip Fox Newsimut nalunaarutaa naapertorlugu, Trumpip Venezuela pillugu oqaaseqaataanut tunngatillugu oqaaseqarusunngilaq.

Taassumap oqarnera naapertorlugu, Trumpip pissutsinik allanngortitsinaveersaarnissamut akuersaaginnartuunnginnini ilisimaneqaatigaa".
Aammattaaq Delcy Rodriguez USA-mut "tupinnaannartumik suleqataalluarsimanera" pillugu nersualaarpaa.

/ritzau/AFP