Trumpip akileraartarneranut paasissutissat saqqummiukkumanngilaat

USA-p præsidentiata Donald Trumpip akileraarutigisimasai pillugit paasissutissat saqqummiunneqarnissaannut USA-mi demokratit piumasaqaataata itigartitsissutigineqarnissaa, Trumpip eqqartuussissuserisuisa ilaata, USA-p aningaasaqarnermut ministereqarfianut kissaatigivaa.

IRS-ip, tassa USA-mi akileraartarnermut aqutsisoqarfiup ataaniittup paasissutissaatai inummut ataatsimut tunngasuummata tunniunneqanginnnissaat, Trumpip eqqartuussissuserisuata William Consovoyip tallimanngormat oqaatigaa.

Trumpip akileraartarneranut paasissutissat saqqummiunneqarnissaat demokratinit sisamanngormat piumasarineqareersorlu, Trumpip eqqartuussissuserisua taama oqarpoq.

Suliffeqarfiutimi Ruslandimik suleqateqarnissaanik isumaqatigiissusiornermini imminut assortuuttunik Trumpip soqutigisaqarsimanersoq paasiniarneqarnissaanut atatillugu USA-mi demokratit Trumpip akileraartarneranut paasissutissanik pissarsiniarput.

    /ritzau/