Trumpi Gazami tigusarineqarsimasut tamakkerlugit arfininngorpat iperagaanissaannik piumasaqartoq

Gazami inuit tigusarineqartut kingusinnerpaamik arfininngorpat iperagaassapput, taamaanngippat Hamas-ikkut Israelimiullu sakkuaakkunnaarnerat unitsiinnarneqarsinnaavoq.

Nutaarsiassaqartitsiviit AFP aamma Reuters allaatigisaat naapertorlugit, USA-p præsidentiat Donald Trump taama oqarpoq.

Hamasikkut aamma Israelimiut pilersaarutigaat arfininngorpat tigusanik paarlaaqatigiinnissaq, Hamasikkulli isumaqatigiissummik salluliornissai ernummataavoq.

Sakkuaakkunnaarneq piuinnarnissaanik Israelimiut apeqqutaalluinnartut, Trump aalajangiusimalluni oqaatigaa.

-Isumagali tusassagussiuk, sakkuaakkunnaarneq unitsinneqarpat ajorluinnartumik pisoqassaaq, taamaattumik piffissaq eqqortoq -tassa arfininngorpat- nalunaaqutaq ullup-qeqqanut tigusarineqartut iperagaasinnaapput, Donald Trump oqarpoq.

Sakkuaakkunnaarnermik isumaqatigiissummi 19. januarimi aallartittumi, Hamasikkut tigusaat 33-it iperarneqassasut isumaqatigiissutaavoq, illuatungaani Israelimi parnaarussat, amerlanersai palæstinameersut 1900-t iperarneqassasut isumaqatigiissutaavoq.