Trumpeqartillugu Issittup siunissaa nalunartoq
Qineqqusaarnerup nalaani Trumpip Issittoq eqqaasimanngilaa taamaattumillu eqqoriaruminaappoq suniarnersoq taassumalu præsidentip illorsuaniilernissaa qanoq Issittumut sunniutissanersoq, Ackrén oqarpoq.
Nunanut allanut tunngasunut politikkissaa nalornissutigineqarpoq. Nunat pissaanilissuit allat eqqaassagaanni Ruslandimut attaveqartarsimavoq Kinalu eqqaasimallugu, taassumali saniatigut nunanut allanut politikkissaa nalornissutigineqarpoq. Erseqqissuliuutigisimanngilaami.
Aamma atuaruk Trumpip nalaani Issittoq eqqissisimanarnerussasoq
Nalorninermut tunngavileeqataavoq Trump allanngorartuummat. Qineqqusaarnermini nunasisut pillugit sakkortoorujussuarmik oqaaseqartarpoq, ajugaareerlunili allanngorluinnarpoq.
- Oqaluttarnermigut allanngorluinnarpoq saamanerulerluni. Qanoq eqqarsarnersoq naatsorsoruminaappoq.
Taamaattumik Maria Ackrén isumaqarpoq amerikamiut qinersinerisa inernerat aarleqqutigissallugu siusippallaartoq.
Aamma atuaruk Qujaukitsoq: Republikanerit suniarnersut paasiniassavarput
Marlunnut ingerlasinnaavoq ajunngittumut ajortumullu. Utaqqisariaqarparput takussallugu suna toqqassaneraa. Isumaqarpunga aallaqqaammut naalagaaffiup iluani pissutsinut politikki ukkatareqqaassagaa, USA-lu ingerlalluarteqqilerlugu.
Trumpilli ataaseq ersarissumik isummerfigisimavaa. Qineqqusaarnermini oqarpoq silap pissusaata allanngoriartornera inunnit pilersinneqarsimasoq Issittumut pingaaruteqaqisoq akuerinnginnamiuk.
