Trump Londonimut tikippoq: Borgmesteri isornartorsioraa
Præsidentip timmisartorsua Air Force One uagut nalunaaqutarput malillugu arfinermut tikippoq.
Donald Trump Tuluit Nunaanni pisortatigoortumik tikeraarpoq, ullumilu dronning Elizabethimut pulaassalluni - aqagulu marlunngornermi premierministeritut tunuarsimasoq, Theresa May naapissavaa.
Trump nulialu timmisartorsuarmit USA-p Londonimi aallartitaqarfianukarput, tamatumalu kingorna dronningimut pulaassallutik.
- Londonimi borgmesteri Sadiq Khan torinngilluinnartunik suliaqarsimavoq, aamma Amerikap præsidentiata - Tuluit Nunaata iligisaani pingaarnerpaasup - tikeraarnissaa pillugu "ajortumik pissusilersorpoq".
- Sianiitsuuvoq, uangalu piunnaarlunga Londonimi pinerlunnerit samminerusariaqaraluarpai.
- Khan uannut allaanngilaq New Yorkimi borgmestererput, de Blasio, sianiitsuullunilu suliamut piukkunnanngitsoq, taassumami suliai aamma sussaanngillat.
- Taamaakkaluartoq Tuluit Nunaannut ikinngutaalluarusuppunga, aamma tikeraarnissannut qilanaarpunga.
/ritzau/