Amerikamiut nuannarineqalerniarnermik massakkorpiaq Nunatsinnut suliniuteqaleruttorput, kingunerisaanillu Naalakkersuisut siulitaasuata Kim Kielsenip Amerikamiut præsidentiat Donald Trump septembarip aallartinnerani ataatsimeeqatigisussanngorpaa.Foto: ScanpixAssi: Scanpix

Immikkut ilisimasalik: Trump-imik ataatsimeeqateqarneq Amerikamiut nuannarineqalerniarnermik suliunitaanni alloriarneruvoq

Præsident Donald Trumpip Kim Kielsenimik ataatsimeeqatiginninnissaa tassaavoq Kinamiut annertuumik aningaasaliiniarnerannik killiliiniarneq, immikkut ilisimasalik naliliivoq.

Nunatsinni attaveqaqatigiinnermut aningaasaliisinnaaneq, Nuummi aallartitaqarfiup ammaqqinnera Amerikamiullu Danmarkimi aallartitaata, Carla Sandsip, arlaleriarluni Nunatsinnut tikerartarnera.

Amerikamiut nuannarineqalerniarnermik massakkorpiaq Nunatsinnut suliniuteqaleruttorput, kingunerisaanillu Naalakkersuisut siulitaasuata Kim Kielsenip Amerikamiut præsidentiat Donald Trump septembarip aallartinnerani ataatsimeeqatigisussanngorpaa.

AAMMA ATUARUK Præsidentip naalakkersuisut siulittaasuat naapeqatigisussanngoraa

Jon Rahbek-Clemmensen Forsvarsakademiet-mi lektoriusoq nassuiaavoq nuannarineqalerniarnerup siunertarigaa Kinamiut Kalaallit Nunaanni sunniuteqarnerannik killiliiniarneq aamma Issittumi russit sakkutooqarnikkut annertusaanerannut Amerikamiut illersornissaat pitsanngorsarniarlugu. 

Kinamiut aningaasaliiniarnerannut USAmut qanittumik attaveqarneq killiliisuusssaaq

Oqaatsinit kusanartunit skåleernermilu oqalugiaatinit annertunerusumik angusaqarnissaq massakkut Kalaallit Nunaata qularnaartariaqarpaa. Tassami USAmut qanittumik attaveqarnerup assersuutigalugu aatsitassarsiornermut Kinamiut annertuaallaartumik aningaasaliiniarnerat killilersimaassavaa, Jon Rahbek-Clemmensen naliliivoq:

- Kalaalit Nunaanni Kinamiut aningaasaligaannik ingerlatsisoqarsinnaalluarpoq ilutigalugulu USAmut sammilluni, kisianni arlaanni killeqartariaqarpoq. Kalaallit Nunaatalu USA qanimut attaveqatigerusukkuniuk Kinamiut annertuallaartumik Kalallit Nunaanni aningaasaliisinnaanerat pinngitsoortariaqarpaa.

Taamaattumik kalaallit politikeriisa Amerikamiunut qanimut attaveqarnertik qanoq iluaqutigissanerlugu ilisimasariaqarpaat:

- Aamma oqaasiinnaliortoqanngissaa, Amerikamiulli arlaannik tunniussaqarnissaat qularnaartariaqarpoq, aningaasaliiniassammata taamalu aningaasaqarnikkut ineriartorneq qularnaarneqarluni, Jon Rahbek-Clemmensen oqarpoq.

Kalaallit politikeriinut ajornakusoortumik unammillernartuusinnaavoq, tassami ineriartorneq ukiut kingulliit ingerlanerini akerlerluinnaanik ingerlammat.

Taamalilluni suliffeqarfiup Namminersorlutik Oqartussat piginneqataaffiata Greenland Contractors-ip Pituffimmi sullissinissamik isumaqatigiisut naleqaqisoq 2014-imi annaavaa, aamma Pituffimmut umiarsuarnik angallatsitsinermik isumaqatigiissut Royal Arctic Linep 2017-imi annaavaa, Amerikamiut umiarsuaateqarfianut tunniunneqarmat.  

Trumpip namminersorlutik oqartussaaffeqarfiusuni siuttumik naapeqarteqarnera nalinginnaasuunngilaq  

Aamma Savalimmiuni Lagtingip siulittaasua Aksel V. Johannesen Trumpimik naapitsissaaq, Jon Rahbek-Clemmensenilu naapertorlugu naalagaaffinni pisortat tikeraarnerini namminersorlutik oqartussaaffiusuni siuttut ilannguneqartarnerat nalinginnaasuunngitsoq:

- Kalalalit Nunaanni Namminersorlutik Oqartussani siulittaasutut aamma Savalimmiuni Lagtingip siulittaasuatut inissisimasup naapeqateqarnera nalinginnaasuunngitsoq isumaqarpunga. Inissisimaqatigiifigisat nalinginaasumik naapinneqartarput. Tassa naalagaaffimmi pisortaq naalagaffimmii pisortaqartimik naapitsisoq. Uani tassaassaaq Mette Frederiksen, nassuiaavoq.

Amerikamiut Kalaallit Nunaannit nuannarineqalerniarmik suliutaata saniatigut Donald Trumpimik oqaloqatiginninnermi Issittup oqaloqatigiissutissanut ilaanera danskit naliliinerat naapertorlugu peqqutaavoq:

-  Issittoq oqaloqatigiissutiginiarneqarpat, taava Savalimmiut aamma Kalaallit Nunaata tusarneqarnissaa pingaartuuvoq oqartoqaqqunagu taakku avataaniitinneqartut, Naalagaaffeqatigiineq tamanut iluaqutaassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat