Trump Bidenilu qinersinermi naligiikannerfiusartumi pingaaruteqartumi Floridami naligiikannertut
Qinersinermi naligiiffiusartoq Florida – naatsorsuutigisatut ippoq – tassa amerikamiut præsidentimut qinersineranni naligiilluni unammisoqarpoq.
Radioqarfiup NPR-ip taasinernik kisinneqareersunik naatsorsuinera naapertorlugu taasinerit naatsorsuutigineqartut 88 procentiisa missaat kisinneqareerneranni Donald Trump procentpointinik qassiusunik siuarsimavoq.
Floridami taasisartut demokratinik republikanerinillu taasigajunnerupput.
Præsident Donald Trump naalagaaffinni qassiuusuni Trumpimut tapersersuiffiusuni ajugaasussaarpasippoq.
Tamanna missiliuinerit siulliit takutippaat, tamannalu nutaarsiassaqartitsiviup AP-p ajugaaffiusutut suaarutiginissaa piareersimaffigaa.
Naalagaaffimmi naalagaaffimmut ilaasumi Kentuckymi sinniillutik qinersisinnaasut arfineq-pingasuupput. Trump naalagaaffinni naalagaaffimmut ilaasuni Indianami, Alabama, Mississippimi, South Carolinami, Oklahomami, Tennesseemi, West Virginiami, North Dakotami, South Dakotami, Wyomingimi, Louisianami Nebraskamilu aamma ajugaasussaarpasittut missiliuinerit takutippaat.
AAMMA ATUARUK USA-mut soqutiginnittorujussuit anorersuaraluartoq: Nerisassat, immiaaraq politikkilu
Biden Connecticutimi, Delawaremi, Illinoisimi, Marylandimi, Massachusettsimi, New Jersey-mi, Virginiami, Rhode Islandimi, New Yorkimi New Mexicomilu ajugaasussaarpasippoq.
Taamaalilluni Trump maannamut 83-inik Bidenilu 119-inik maannamut taasisussaqarput.
Taasisussat katillugit 538-upput. Taakku USA-mi naalagaaffinni naalagaaffinnut ilaasuni 50-ini agguataaqqapput.
AAMMA ATUARUK USA-mi ullumi qinersisoqarpoq – apeqqutit pingaarnerit aajuku
Naalagaaffinni tamani taasisussat amerlassusaat aalajangersimasuupput, taamaammat naalagaaffinni taasisussaqarnerpaasut pingaaruteqarnerpaasinnaapput. Præsidentip illorsuani allaffimmiilernissamut taasisussat 270-it sinneqarnissaat – tassa amerlanerussuteqarnissaat pingaaruteqarpoq.
Naalagaaffiit taasisussatik qanoq agguataassanerlugit namminneq aalajangertarpaat.
Taamaammat taaneqarnerpaasoq toqqaannartumik præsidentinngorsinnaasutut isumaqanngilaq.
Kingullermik qinersisoqarmat 2016-imi Hillary Clinton Donald Trumpimut ajorsarpoq – taannali Trumpimit taaguunneqarnerugaluarpoq.
