USA-mi politiit pingasut toqutaasut

Aallaasersorneq pivoq, illoqarfimmi tassani politiip angut afrikamiunit kingoqqisoq sapaatit akunneri marlungajaat  matuma siorna  aallaallugu toqummagu.

Baton Rougemi borgmesteri Kip Holden nutaarsiassaqartitsivimmut CNNimut oqaluttuarpoq, illoqarfimmi paatsiveerusimaneq aaqqinniarlugu ilungersortoqartoq.

((Politeerpassuit aallaasersorfiusumiipput. Aallaasersortoq maanna ujaarineqarpoq. ))

Aallaasersortutut pasineqartoq politiinit  allaaneqarsimasoq, politiinit oqaatigineqarpoq.

Sapaatit akunneri marlungajaat qaangiupput angut 37-nik ukiulik afrikamiunit kingoqqisoq Alton Sterling illoqarfimmi Baton Rougemi pisiniarfiup saavani  politiimit aallaaneqarluni toqutaammat.

Alton Sterlingip aallaaneqarnerata nalaani sanioqqutut assilisimasaanni takuneqarsinnaavoq,  politiip Sterling uppisikkaa kingornalu uppisimanerani najummillugu,  taamaaliinerani politeqataata qanimut arlaleriarlugu aallaavaa, sterling sakkunik tigumiaqarsimanngilaq.

Sterling allaaneqarluni toqutaaneranit ullut ikittuinnaat qaangiummata,Texasimi illoqarfimmi Dallasimi politiit tallimat angummit aallaaneqarlutik toqutaapput,  tamannalu pivoq politiit peqqarniitsuliortarnerat inatsisitigullu naapertuutinngitsumik ammip qalipaatanik assigiinngisitsineq pillugit akerlussutsimik takutitsisoqarnerani

/ritzau/