Tivolimi pilersaarusiortoq: Piareerpugut
Tivolimi juulip 31-annit aggustip aallaqqaataanut festivalernissarsuarmut nipilersortartorpassuit, eqqumiitsuliortut, kalaallit nerisassiaat tivolisiortussanit qilanaarutigineqarsinnaanngorput, aaqqissuisullu aningaasalissussarsiornerisugut aatsaat taama amerlatigisunik aliikkusersuisoqartussanngortoq, pilersaarusiornermi aqutseqataasoq oqarpoq.
- Ukioq manna nalliuttorsiornerummat tamaammat nipilersortartut nuannarineqarluartut appisimaartinnissaat pingaaruteqarpoq, Kalaallit tivolisiortinneqarnissaanut pilersaarusiornermi aqutseqataasoq, Miki Jensen, KNR-mut oqarpoq.
Aamma atuaruk Kalaallit Nunaat Tivolimi ukiunik 40-nngortorsiussaaq
Kalaallit Tivolimi katerisimaartitsisarnerat 1976-imi aallartinneqarpoq, maannalu ukiut 40-ssaannik tivolisiortitsisoqartussanngorpoq.
Ilinniartut ukiut 40-t matuma siorna Tivolimi naapeqqaarsimapput taamanikkulli katerittartut amerliartuinnavissimapput.
Kalaallit Qallunaat Nunaannut nuussimasut sulinngiffimminniluunniit tikeraartut ukiorpassuit takusimanngisanik takummaasarneri tivolimi ilisarnaatit ilagilluarpaat.
- Ullut marluk ingerlanerini inuit 50.000-t missaanniittut tivolimut isertarput. Taamaammat kulturitta kusanartumik takutinnissaa pingaaruteqarpoq.
- Nunattami isigineqarnera nutarsartuartariaqarami, Miki Jensen oqarpoq.
Tivolisiortoqarnerani ilaatigut Ole Kristiansen, Inuk, Nive, Rockstones, Ilang, Josef Josefsen aamma Ida Heinrich, Aavaat allallu tusarnaartitsisussatut pilersaarutigineqarput.