Tivolimi naapeqatigiittoqarnissaani Akunnerit nipilersortartullu aliikkusersuisussanngortut
Naapeqatigiinnissami Laarseeraq Svendseni pillugu tusarnaartitsilluni isiginnaagassiaq Akunnerit nutaatut takutinneqartussanngorpoq. Naapeqatigiinnissaq juulip ulluisa 31-annit aggustip aallaqqaataa ilanngullugu ingerlanneqassaaq.
Isiginnaagassiaq Akunnerit inuusuttunit, inersimasunit utoqqarniillu takutikkusunneqarsimasoq aaqqissuisut oqaatigaat.
- Tivolimi isiginnaagassiaq Akunnerit ukiormanna takutittussanngorparput - Laarseeraq Svendsen eqqaaniarlugu, nunatsinnimi soqutigineqarluarsimavoq, taamaattumik Tivolimi takutissallugu pissanganartorujussuuvoq, aaqqissueqataasoq, Jakob Skovaa oqarpoq.
AAMMA ATUARUK Laarseeraq Svendsenip erinarsuusiai pillugit isiginnaagassiaq Kujataanut Danmarkimullu angallanneqarpoq
Nipilersortartut ilaatigut, Tiu, Mariina, Don Maliko, Maalia aamma Jonas nipilersortussaapput.
Tivolimi aggustip aallaqqaataasiortarnermi nipilersortartut nutaat nipilersortartutoqqallu appisimaarnissaat pingaartinneqartartoq, Tivolimi aaqqissueqataasoq, Jakob Skovaa oqarpoq.
- Nipilersortartunik nalunnginneqarluartunik ukiut taamaasa tikisitsisarpugut aammali inuusuttunik suli immaqa tusaamaneqarluanngitsunik tikisitsisarluta, inuusuttullu nipilersortartut ilaatigut TIU-kkunneersoq, Pernille Kreutzmann ukiormanna tikisittussanngorparput, GiT-mi aaqqissueqataasoq, Jakob Skovaa oqarpoq.
Tivolimi naapeqatigiinnissamut atatillugu eqqumiitsuliortut suliffeqarfiillu aamma saqqummersitsissapput.
Pisussat uani git.gl atuarneqarsinnaapput.