Laarseeraq Svendsenip erinarsuusiai pillugit isiginnaagassiaq Kujataanut Danmarkimullu angallanneqarpoq
Isiginnaagassiaq nipilersornertalik Akunnerit, erinarsortartumut 1950-60-ikkunni tusaamaneqarluartumut Laarseeraq Svendsenimut tunngasoq, Nunatta isiginnaartitsisarfiata sapaatip-akunnerata naanerani takuteqqippaa.
Allattoq Karsten Sommer
juulip 16-at 2019 07:30
Nutserisoq Mads Lynge
Isiginnaagassiaq nipilersornertalik Katuami Inersuaq Hans Lyngemi tallimanngormat arfininngormallu takuteqqinneqarpoq, inuppassuillu isiginnaariarput.
Erinarsortartut Kuunu Berthelsen, Nathan Kreutzmann Kimmernaq Kjeldsenilu, nipilersortartunik tallimanik ingiallorteqarlutik, Jim Milnemit aqunneqartunit, isiginnaartitsillutillu erinarsorput.
Akunnerit Paamiuni aqagu pingasunngornermi, Qaqortumilu tallimanngorpat, Nanortalimmilu sapaatiuppat takutinneqassaaq.
Kingorna taava Danmarkiliassapput, Tivolimi H.C.Andersen-salimi aggustip aallaqqaataani isiginnaartitsissallutik.
Isiginnaartitsissusiaq Akunnerit taava Aalborgimut kingorna ingerlateqqinneqassaaq, Teater Nordkraftimi aggustip ulluisa pingajuanni takutinneqassalluni.
