Laarseeraq Svendsenip erinarsuusiai pillugit isiginnaagassiaq Kujataanut Danmarkimullu angallanneqarpoq

Isiginnaagassiaq nipilersornertalik Akunnerit, erinarsortartumut 1950-60-ikkunni tusaamaneqarluartumut Laarseeraq Svendsenimut tunngasoq, Nunatta isiginnaartitsisarfiata sapaatip-akunnerata naanerani takuteqqippaa.

Isiginnaagassiaq nipilersornertalik Katuami Inersuaq Hans Lyngemi tallimanngormat arfininngormallu takuteqqinneqarpoq, inuppassuillu isiginnaariarput.
 
Erinarsortartut Kuunu Berthelsen, Nathan Kreutzmann Kimmernaq Kjeldsenilu, nipilersortartunik tallimanik ingiallorteqarlutik, Jim Milnemit aqunneqartunit, isiginnaartitsillutillu erinarsorput.
 
Akunnerit Paamiuni aqagu pingasunngornermi, Qaqortumilu tallimanngorpat, Nanortalimmilu sapaatiuppat takutinneqassaaq.
 
 
Kingorna taava Danmarkiliassapput, Tivolimi H.C.Andersen-salimi aggustip aallaqqaataani isiginnaartitsissallutik.
 
Isiginnaartitsissusiaq Akunnerit taava Aalborgimut kingorna ingerlateqqinneqassaaq, Teater Nordkraftimi aggustip ulluisa pingajuanni takutinneqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat