Timmissanik masarsoqarfinnillu pingaarutilinnik illersuineq pitsaanerulissaaq
Sumiiffinni Ramsareqarfiusuni, pingaartumik sumiiffiit timmissanut imarmiunut pingaaruteqarnerat eqqarsaatigalugu illersuinissaq sulianullu maleruagassiuinissaq nalunaarummi siunertarineqarpoq:
- Nuannaarutigaara nalunaarutip matuma atuutilerneratigut sumiiffinnik Ramsareqarfiusunik illersuinermut atuinermullu sinaakkutissanik aalajangersimasunik oqimaaqatigiissitsiviusunillu peqalissagatta, Pinngortitamut, Avatangiisinut Nukissiuuteqarnermullu naalakkersuisoq Mala Høy Kùko oqarpoq, nangillunilu:
- Nalunaarut sumiiffiit Ramsareqarfiusut siunissami uumasunut inunnullu iluaqutaanissamut qulakkeereqataassaaq. Pingaartumik sumiiffinni taakkunani timmissat illersussavavut, kisiannili atuineq nungasaataanngitsumik ingerlanneqarsinnaappat, sumiiffiit taakku suli atorneqarsinnaassapput, Mala Høy Kùko oqarpoq.
Nalunaarut Ramsareqarfinnut isumaqatigiissummi Kalaallit Nunaata nunani tamalaani pisussaaffinni naammassinnitsitseqataasoq Namminersorlutik Oqartussat nalunaarutigaat.
Kalaallit Nunaanni sumiiffiit aqqaneq-marluk, tamakkerlutik 13.000 kvadratkilometerinik annertussusillit Ramsareqarfittut toqqarneqarsimapput, sumiiffinnilu taakkuninnga toqqaanermi sumiiffiit timmissanut imarmiunut, pingaartumillu nerlernut pingaarutillit illersorneqarniarput.
Ramsareqarfiit pillugit nalunaarut saqqummiussineq aqqutigalugu nassaarineqarsinnaavoq, uani.