Timmisartuutileqatigiiffiit 1000 milliardit koruunit missaannik annaasaqassangatinneqartut
980 milliardit koruunit missaat.
Nunani tamalaani timmisartuutileqatigiiffiit coronap ajornartoortitsinera pissutigalugu ukioq manna 2020-mi aappaagulu 2021-mi taama annaasaqarnissaat, nunat tamalaat silaannakkut angallannermi suleqatigiiffiata IATA-p naatsorsuutigaa.
Tuluit nutaarsiassaqartitsiviat Reuters taama allappoq.
AAMMA ATUARUK American Airlinesip sulisuminik ikilisaarujussuarnissani piareersimaffigigaa
Naak coronavirusimut akiuussutissamik siunissami qaninnerusumi atorneqalersinnaasumik pilersitsoqalerunaraluartoq, nunallu akornanni aappaagu angallannerusoqalersinnaanissaa naatsorsuutigineqaraluartoq taamaappoq.
- Aningaasarsiornerup ilorraap tungaanut sangunissaa, silaannakkullu angallannerup pitsanngoriartornissaanut tamanna sunniuteqassagunaraluartoq tamanna 2021-p qiteqqunnerani pinissaa ilimanarpoq, IATA-p qullersaa Alexandre de Juniac nutaarsiassaqartitsivimmut Reutersimut oqarpoq.
Timmisartuutileqatigiiffiit ukiut marluk taakku ingerlaneranni 630 milliardit koruunit missaannik annaasaqarnissaat IATA-p aasaq manna eqqoriarpaa, kisitsilli taanna maanna qaffanneqarluni.