American Airlinesip sulisuminik ikilisaarujussuarnissani piareersimaffigigaa

Timmersartortitseqatigiiffik silarsuarmi annersaasa ilaanniittoq naalagaaffimmit ikiorserneqanngikkuni tuusintilikkuutaanik soraarsitsisariaqassaaq.
USA-mi timmisartortitseqatigiiffik coronavirusimit nunarsuarmut tamarmut siaruarsimasumik nappaalasoqarneranit sakkortuumik eqqugaavoq, naalagaaffimmiillu ikiorsiissutinit 25 milliardit dollarsinik maannamut tunineqareerluni. Assi © : Matt Kieffer/flickr
Allattoq Ritzau
aggustip 26-at 2020 12:37
Nutserisoq Ivik Kristiansen

USA-p naalagaaffia ikiorsiissutinut aaqqissuussap atuunnera sivitsornianngippagu timmisartortitseqatigiiffiup American Airlinesip sulisuminik oktobarip aallaqqaataaniit ikilisaarujussuarniarpoq.

Ikilisaaniarnermi sulisunik 19.000-nik piumasarinngisamik sulinngiffeqartitsinerit soraarsitsinerillu pilersaarutaapput.

Nutaarsiassaqartitsivik Reuters naapertorlugu ingerlatseqatigiiffiup qullersai sulisunut marlunngormat taama oqaaseqaateqarput.

AAMMA ATUARUK Nunarsuarmi silaannakkut angallattut ikileriarujussuarsinnaasut

USA-mi timmisartortitseqatigiiffik coronavirusimit nunarsuarmut tamarmut siaruarsimasumik nappaalasoqarneranit sakkortuumik eqqugaavoq, naalagaaffimmiillu ikiorsiissutinit 25 milliardit dollarsinik maannamut tunineqareerluni.

Ingerlatseqatigiiffiullu tamatumunnga atatillugu sulisuminik septembarip naanerata tungaanut soraarsitsiniarnani neriorsuutigaa.

Timmisartuussisarnerilli malunnaatilimmik amerlinissaannut ingerlatseqatiiffinnut maanna takussutissaqanngilaq.

Coronavirusi ajornartoortitsimmat, American Airlinesip nalinginnaasumik timmisartuussisarnerminit 50 procentinit ikinnerusunik ukiup sisamararterutaani kingullermi timmisartuussisarnissani naatsorsuutigaa.