Timmisartup aseqqukua MH370-imeersinnaasoq nassaarineqarpoq
Timmisartup ilaasortaatip MH370 Malaysia Airlinesimeersup siorna martsip arfineq pingajuanni tammartup assigaa.
Ilisimatuut isumaqarput, aseqqukoq nassaarineqartoq Boeing 777-ip suluusarigaa ilimanartoq.
MH370-ip tammarneranit ukioq ilivitsoq annertuumik ujaarineqaraluartoq timmisartup sinnikuanit sunnguamilluunnit suli nassaartoqanngilaq.
Timmisartup tammarnera timmisartuuteqartarnerup oqaluttuarisaanerani paasissaanngitsut annerpaartaraat.
Timmisartumit aseqqukoq qeqertami Reunionimi Madagaskarip kangianiittumi nassaarineqarpoq, MH370-ip kingullermik nalunaarsorneqarneranit kilometerinik tusindinik arlalinnik Indiap imarpiata illuatungaani.
Timmisartulli aseqqukua sarfaatilluni tassunga pisimasinnaasoq ilisimasallit isumaqarput.