Robert Fico, sapaatip akunnerani siusinnerusukkut sisamariarlugu aallaaneqarpoq, aallaaneqareernermi maanna inuunerminik navianartorsiorunnaarsimavoq.
Ficosilli peqqinnerulernissaa suli ilungersunartutut inissisimavoq, piaartumillu suliarineqaqqinnissaa pisariaqassagatinneqarpoq.
Tamanna vicepræsidentimit illersornissamullu ministeriusumit, Robert Kalinakimit, Nutaarsiassaqartitsivimmut AFP-mut ilisimatitsissutigineqarpoq.
Robert Fico slovakiami naalakkersuisut illoqarfimmi Handlovamiittumi ataatsimiimmata, ataatsimiinnerup naammassereernerani naamingut aallaaneqarpoq.
Ulloq taanna nalunaaquttap akunnerinik tallimanik sivisussusilimmik suliaritippoq, taamatullu aamma tallimanngornermi suliarineqaqqippoq.
-Peqqissusaata pitsaanerulersimanera ajunngilluinnartutut ingerlanertut isigaarput, Kaalinak napparsimmavimmit ullumi siusinnerusukkut oqarpoq.
- Tamatta misigisimavugut maannakkut qasukkaallalluta, taanna oqarpoq.
Premierministeri suli napparsimmavimmiittussangallassasoq.
/ritzau/