Timigissartarneq toqujaarnissamut aarlerinaataasumut millisaataasoq

Atuagassiaq Videnskab.dk taama allaaserisaqarpoq.

Naak nukiisa avatillu nukiisa pitsaanerulernissaat anguniarlugit angerlarsimaffitsinni eqaarsaarnitsigut angusinnaavagut, taamaalilluta peqqinnerulersinnaalluta naak timigissartarfinnukanngikkaluarluta.

Angerlarsimaffinni timigissartarnerup qanoq iluaqutaatiginera paasiniarlugu inuit 30-t sinnerlugit ukiullit 80.000-it misileraaffigineqartut tassaapput, 1994-miit 2008-p tungaanut Tuluit Nunaanni Skotlandimilu najugaqarsimasut, taakkulu agguaqatigiissillugu ukiuni quligiluani malinnaavigineqarlutik.

Timigissartarfinni nukittorsaatit atorlugit timigissartartunut naleqqiullugit, inuit misileraaffigineqartut inuuneqqortussusaat misileraanerup naalernerani paasiniaaffigineqarpoq naatsorsorneqarlunilu.

• Misilittaanermi peqataasut nukkassarlutik sungiusartartut agguaqatigiissillugu sapaatip akunneranut 60 minutsit sungiusartarput.

• Misilittaanermi peqataasut timip oqimaassusaa atorlugu sungiusartarnerartut agguaqatigiissillugu sapaatip akunneranut 50 minutsit sungiusartarput.

• Timigissartarfimmi sungiusartartut timilluunniit oqimaassusaa atorlugu sungiusartartut toqujaarnissamut aarlerinartoq 20 procentip missaanik appartarpaat.

• Kræftimik attuumassutilimmik toqquteqarnerit 24-27 procentillu akornannik apparput, ikittuinnaalli sungiusarnerunerup pitsaaneruneranik takutitsipput.