Tikaagullinniarneq unitsinneqarpoq

Nunatta sineriaani ukioq manna tikaagullinniarneq novembarip naanerani unitsinneqartoq, Aalisarnermut, Piniarnermut Nunalerinermullu Naalakkersuisoqarfiup nalunaarutigaa.

Allattoq Karsten Sommer

decembarip 02-at 2015 11:57

Nutserisoq Mads Lynge

Arfernik angisuunik piniarneq pillugu Namminersorlutik Oqartussat nalunaarutaat naapertorlugu marsip aallaqqaataanit novembarip ulluisa 30-ata tungaanut tikaagullinniartoqarsinnaavoq, tassa qaammatini qulingiluani piniartoqarsinnaatitaalluni.

AAMMA ATUARUK Tikaagullittassiissutit qoorortoorsorneqarlutik pisarineqarsinnaalerput

Tikaagulliit 131-t nunatta kitaani ukioq manna pisarineqarsimapput, siornamut naleqqiullugu ikinnerulaarlutik, tassami siorna

pisarineqartut katillutik 148-uummata.

Tunumi pisarineqartut ukioq manna tallimaapput.

Kitaanut Tunumullu tikaagullittassat ukioq manna pisarineqarsimanngitsut aappaagumut nuunneqassasut, Aalisarnermut, Piniarnermut Nunalerinermullu Naalakkersuisoqarfiup nalunaarutigaa.

Aamma atuaruk Tikaagullittassat agguaanneqaqqipput