Thulemi sulisuusimasut, qinngornernik navianartunik eqqugaasimasut, Peqatigiiffiata danskit Folketingianni Peqqinnissamut ataatsimiititaliaq ullumi ataatsimeeqatigissavaa.
Pituffiup eqqaani immamilu North Star Bay-imi plutoniummimik mingutsitsisoqarsimanera pillugu Risøp nalunaarusiai aasaq oqallisaaqisut tunuliaqutaralugit Peqatigiiffik ataatsimiinnissamik kissaateqarsimavoq. Tassa timmisartorsuup B 52-ip brintimit qaartartulianik usilluni 1968-imi nakkarfiani.
Folketingip Peqqinnissamut ataatsimiititaliaa Peqatigiiffiup ataatsimeeqatigiguniuk paasissutissiissutiginiarpaa sulisut 1968-imi qinngornernik navianartunik ilumut eqqugaasimanerat.
Suliap Thulemut tunngasup ataqqinartumik naammassineqarnissaa pillugu, Peqatigiiffiup Peqqinnissamut ataatsimiititaliaq aamma killinniarsariniarpaa, arlaatigut assingusumik ajutoortoqassagaluarpat piareersimanerunissaq pisariaqaqisoq sulissutigererusullugu.