Assi: Thomas Møller

Qulaarpaa Thomasip kamannini oqaluuserisinnaannginnamiuk persuttaasalerpoq

Thomas Møllerip misigissutsini oqaluuserissanagit, kamaqarninilu kanngusuutigisarlugu, kamamminik qaartoorluni nuliani annersarpaa.

- Misigissutsinik oqaluuserisinnaannginnerup angutit aappaminnik annersaasalersittaraat,  Aasianneersoq Thomas Møller, nuliaminik annersaasarsimasoq, taama oqaluttuarpoq.

Thomas Møller nipaarluusimavoq. Misigissutsini oqaluuserissanagit, kamaqarninilu kanngusuutigisarlugu. Taamaallunilu kamamminik qaartoorluni nuliani annersarpaa.

- Sakkortuumik pissusilersuuteqarneq inooqataanermi ilikkariartorsimasanut sanilliunneqarsinnaallunilu uppernarsarneqarsinnaavoq. Angutit persuttaasartut peroriartornerminni amerlanertigut persuttarneqarsimanngikkunik persuttaasumik isiginninnikuusarput. Tarnip pissusaanik ilisimasalik Lars Husted taama oqarpoq.  

- Toqqarneqarnissara sutigut tamatigut annilaangassutigisarnikuullugu ilunni matoqqatiinnarlugu kamannguutsikkiartorlugu, oqaloqatigiinnermi naggataatigut uanga pineqarama toqqarneqarlunga, imminut aqussinnaajunnaartarpunga, misigissutsit oqaasinngortissinnaasakka nukitsigut kamannguullugit anisittarnikuuakka.

Aamma atuaruk Ukiuni 27-ni persuttaanertalimmik inooqatigisaminit qimaasoq

Thomas imigassamik ikiaroornartumillu atornerluisuunerminik katsorsarneqareersimalerpoq. Tamanilli piingaarnermik: Kamaqarnini oqaluuserisinnaanngorsimavaa, qaartuunginermini.

- Taamatut kamarujussuartarnera imatut qaangersimavara, imminut nassuerutigalunga. Suulluunniit misigissutsit iliuuserinikuusalluunniit kanngunarnerpaat - ajornerpaat - oqaasinngortillugit annisissinnaanngorlugit. Imminullu aqussinnaalerneq assorujussuaq iluaqutigisimavara, imminut qiviarsinnaallunga, misigissutsikka oqaasinngorlugit, qiassaqaruma qiasinnaallunga.

Thomas Møllerip nuliani averusisimasani najugaqatigeqqilersimavaa. Aangajaarniutitorunnaarnerminiillu nuliani annersaqqissimanngilaa.

Aamma atuaruk Aapparisamit persuttagaaneq inuunerup sinnerani kingunerlutsitsisarpoq

Isummersuutit


 

Pages