Thomas Møller Olsenip suliareqqitassannguinera aalajangiiffigineqangajalersoq

Thomas Møller Olsen arnamut islandimiumut Birna Brjánsdóttirimut toqutsisimasutut, taamatullu hashimik anngiortumik eqqusseriarsimasutut ukiuni 19-inini siorna paarnaarussassanngortinneqarpoq.

Taassuma Raykjavikkimi eqqartuussiviup aalajangerneqara Islandimi eqqartuusisuuneqarfimmut suliareqqitassanngortippaa. Ataasinngormallu, tassa pineqaatissinneqarnerminik qaammatit 13-it qaangiunneranit, suliaq aallartippoq.

AAMMA ATUARUK Thomas Møller Olsenip suliareqqitassanngortitsinera Reykjavikkimi aallartittoq

Unnerluussisut pineqartoq ukiuni 19-ini pineqaatissinneqarnissaa piumasaaraat, Thomas Møller Olsenillu illersuisuata iperangaanissaa piumasaralugu.

Eqqartuussineq akunnerni 13-inini sivisussuseqarpoq, ataasinngornerullu unnukkuani nalunaaqutaq qulinut piareerluni.

Unnerluunneqartoq suliap ingerlanera tamaat toqutsisimasutut pinngitsuunnginnerarpoq, eqqartuussinermilu aamma taamanna uteqqippaa suleqatigisimasanilu pisuusoq oqaatigalugu.

AAMMA ATUARUK Thomas Møller Olsen uppernarsaatinik nutaanik saqqummiusserusuttoq

Eqqartuunneqartup suleqataa, kalaaleq angut, Thomas Møller Olsenip 2017-imi januaarip qaammataani tingusaaqatigaa. Sapaatip akunnerili marluk qaangiuttut iperangaavoq, qaammallu qaangiummat pasineqarunnaarluni. Islandimi politiit toqutsisimasutut pasineqarunnaarluni.

Angut kalaaleq toqutsisimasutut pisuutinniarneqarnera Islandimi unnerluusisup Sigríður Friðjónsdóttirip ataasinngormat pisuunnginnerarpaa, nutaarsiassaqartitsivik RÚV allappoq.