Birna pillugu suliaq Thomas Møller Olsen uppernarsaatinik nutaanik saqqummiusserusuttoq

Arnamik Islandimiumik Birna Brjansdottirimik siorna januaarip qiteqqunnerani toqutsisoqarnera pillugu eqqartuussutip eqqartuussivitsigut suliareqqitassanngortinneqarnera Islandimi nunap eqqartuussisuuneqarfiani ullumi piareersaataasumik tusarniaassutigineqarpoq.
Assi © : Tammy O./Flickr Creative Commons
Allattoq Anton Gundersen Lihn
septembarip 20-at 2018 17:21
Nutserisoq Paninnguaq Steenholdt

Thomas Møller Olsen toqutsisimasutut ikiaroornartumillu anngiortumik eqqussisimasutut ukiuni 19-ini parnaarussassanngorlugu ukioq kingulleq septembarimi pineqaatissinneqarpoq.

Taassumalu pineqaatissinneqarnini oktobarimi suliareqqitassanngortippaa, maannalu ukioq ataaseq qaangiutereersoq suliaq aallartisarneqalerpoq. 

AAMMA ATUARUK Birnamik toqutsineq ikiaroornartulerinerlu ukiuni 19-ini parnaarussaassutigissagaa

Piareersaataasumik tusarniaanermi uppernarsaatit nutaat takunnissimasullu nutaat killisioorneqassasut, Thomas Møller Olsenip unnerluussisuanit saqqummiunneqarput. Taakkulu saqqummiussat eqqartuussisup akuerissanerai apeqqutaaginnalerpoq. 

Suliap ingerlaqqinnissaa suli ullulerneqanngilaq.

AAMMA ATUARUK Toqutsisimasutut pisuutinneqartup eqqartuussinerup inernera suliareqqitassanngortippaa

AAMMA ATUARUK Birnanut tunngasoq immikkuullarissorujussuuvoq

AAMMA ATUARUK Kilisaatip naalagaata politiit isertortumik suleqatigigai

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq