Assi: Google Maps

Suliareqqitassanngortitsineq Thomas Møller Olsenimut eqqartuussut oktobarimi aalajangiiffigineqassasoq

Thomas Møller Olsen arnamik islandermiumik Birna Brjánsdóttirimik toqutsimasutut qaammatit 13-it matuma siorna eqqartuunneqarpoq.

Thomas Møller Olsenillu eqqartuussivimmut suliareqqitassanngortitsinera Islandimi nunap eqqartuussisuuneqarfiata oktobarip ulluisa 29-annut ullulerpaa.

Thomas Møller Olsen toqutsimasutut ikiaroornartumillu 23 kiilumik eqqusseriarsimasutut siorna septembarip 29-ani ukiuni 19-ini parnaarussassanngortinneqarpoq.

Eqqartuussinerlu naammassereersoq tassa sapaatip akunnera qaangiutiinnartoq, Thomas Møller Olsenip suliaq eqqartuussivimmut suliareqqitassanngortippaa

Suliarlu Islandimi landsretsimut pilersinneqaqqammersumut innersuunneqarpoq, suliarlu ukioq ataaseq sinnerlugu utaqqissunneqareerluni eqqartuussivimmut sulareqqitassanngortinneqarpoq.

AAMMA ATUARUK Toqutsisimasutut pisuutinneqartup eqqartuussinerup inernera suliareqqitassanngortippaa

Eqqartuussivimmullu suliareqqitassanngortitsineq pillugu Islandimi landsretsi ukiormanna septemberip qiteqqunnerani  piareersaateqalerpoq.

Suliami unnerluussisoq illersuisorlu  ilaatigut uppernarsaatit nutaat ilisimannittullu pillugit eqqartuussisunut pingasunut saqqummiissapput.

Suliaq Reykjavikimi suliarineqareersorlu Thomas Møller Olsen nutaamik eqqartuussissuserisortaarpoq
Islandimilu landsretsimi suliaq oktobarip ulluisa 29-anni saqqummiunneqalerpat illersuisoq nutaaq saqqummiussissaaq.

Thomas Møller Olsenip toqutsisimasutut pisuunnginnini aallaqqaammulli attappaa. Taamaattoq hashimik eqqusseriarsimanini nassuerutigaa.

Eqqartuussineq aallartippat suliaq pillugu immiussat akunnernik pingasunik sivisussuseqartut saqqummiunneqassapput kingornalu suliami unnerluussisoq illersuisorlu saqqummiissallutik.

AAMMA ATUARUK Birnanut tunngasoq immikkuullarissorujussuuvoq

AAMMA ATUARUK Unnerluussisussaatitaasup eqqartuussut naammagisimaaraa

AAMMA ATUARUK Birnamik toqutsineq ikiaroornartulerinerlu ukiuni 19-ini parnaarussaassutigissagaa

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat