Assi: Camilla Dam/KNR

Teknikkikkut ajutoornerit silalu timmisartuussinissanut eqquinerluttut

Timmisartut sisamat teknikkikkut ajoquteqarnerat silarlunneralu pissutigalugit Nuummi Ilulissanilu mittarfinnut tikittussat aallartussallu amerlasuut taamaatiinnanngikkunik kinguaattoorput.

Air Greenlandip timmisartuutai sisamat teknikkikkut assigiinngitsutigut ajoquteqarnerat Air Greenlandimut eqquinerluppoq, tamatuma saniatigut pujornera timmisartut amerlasuut taamaatiinnanngikkunik kinguaattoornerannik kinguneqarpoq.

Nuummit aallartussat tikittussallu arfinillit ullumikkut taamaatiinnarneqarput, ullullu sinnerani sisamat aamma taamaatiinnartussaallutik.

Ilulissani ullumi qulingiluat taamaatiinnarneqarput ullullu sinnerani suli pingasut aamma taamaatiinnarneqartussaallutik.

Timmisartut mittarfinni marlunni angalanissaasa taamaatiinnarnerisa saniatigut kinguaattoorneqarpoq, ullullu ingerlanerani taakku aamma taamaatiinnarneqarsinnaallutik.

Air Greenlandip timmisartumut ilaasussat Air Greenlandip nittartagaatigut malinnaaqquai. Timmisartuussiviup ilaasussat ilaaffissaat allanngoraangata aamma sms-imik e-mailimilluunniit nassiussifigisarlugit oqaatigaa.

Nuummi Ilulissanilu timmisartuussinerit silap ajorneranik teknikkikkullu ajutoornernik eqqugaanerloqqapput.

Ilaasussat tamarmik apuuffissaminnut sapaatiuppat apuukkumaartut Air Greenlandip naatsorsuutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat