Tatiginnikkunnaarnermik taasititsinikkuinnaq uppisinneqarsinnaavoq
- Inatsisartuni tatiginnikkunnaarnermik taasisoqartinnagu, Kim Kielsen Naalakkersuisunut siulittaasuuinnarsinnaavoq. Inatsisartut allattoqarfianiittoq Kent Fridberg taama ilisimatitsivoq.
Taanna nassuiaavoq, Kim Kielsen Naalakkersuisuunissamut Inatsisartut qinersinerup kinguninngua inissittuiffiusumik ataatsimiinnerminni pisinnaatikkaat.
Assersuutigalugu IA, Demokraatit Atassullu peqatigiillutik Kim Kielsen uppisillugu Naalakkersuisoqatigiinniarlutik aalajangerpassuk, taava partiit Inatsisartuni tatiginnikkunnarnermik taaseqqaartariaqarput. Ammali Kim Kielsenip Naalakkersuisumi tunuarnissaat qinersinnaavaa.
- Amerlanerussuteqartulli tatiginnikkunnaarlutik taasippata, Kim Kielsen Naalakkersuisut siulittaasuattut qinersinissamik suaaruteqarnissamut pisinnaatitaaffeqarpoq, Kent Fridberg oqarpoq.
Taanna naapertorlugu tatiginnikkunnaarneq, Naalakkersuisut siulittaasuata namminersuutigalugu qinersinissamik suaaruteqarnissamut periarfissatuaraa - qinigaaffiup naanera eqqaassanngikkaanni.
AAMMA ATUARUK Danskit mittarfiliortiternernut akuunissaat Løkkep uppernarsaraa
Partii Naleraq Naalakkersuisoqatigiinniit anivoq, Kim Kielsenillu Naalakkersuisuni issiaviit Partii Naleqqap qimatai, agguaateqqissinnaavai.
Taakkua tassaapput aningaasaqarnermut naalakkersuisutut inissisimaffik pingaaruteqartoq taavalu isumaginninnermut inatsisinillu atuutsitsinermut naalakkersuisutut inissisimaffik, Pele Brobergip Anthon Frederiksenillu maannamut akisussaaffigisaat.
Inissisimaffiit inuttaaruttut naalakkersuisooreersunut agguaatissavai:
Kielsenimi Inatsisartut katersuullutik akuerisimanngisaannik nutaanik ilaasortanngortitsisinnaanngilaq. Ukiakkut ataatsimiinneq septembarip 28-ani aallartissaaq.
AAMMA ATUARUK Partii Naleqqap peqataajunnaarnera tupaallaatigineqanngitsoq
