Politiit nalunaarusiaat: Tasiilami pinngisaaliilluni atoqatiginnittoqarneranik nalunaarutiginnittoqartoq
Politiit Tasiilami pinngitsaaliilluni atoqateqartoqarnera pillugu tallimanngornerup unnuaani nalunaarfigineqarput.
Politiit Tasiilami pinngitsaaliilluni atoqateqartoqarsimanerani unnerluutiginnittoqassanersoq maanna misissuleruttorpaat.
Allattoq Mads Malik Fuglsang Holm
decembarip 22-at 2023 10:39
Juullip eqqissisimanarnera angerlarsimaffippassuarnut tikiuppoq, taamaammat ullumikkumut unnuaq aamma eqqissisimakannerunarpoq.
Kalaallit Nunaanni Politiivini pigaartut pisortaat, Carl Sværd oqarpoq.
- Sinerissami tamarmi imigassartortoqarneranut atatillugu pisoqarnerani eqqissisimakannertoqarpoq, taanna oqarpoq.
Tasiilamili politiit maanna misissueqqissaarfigileruttukkaminni pinngitsaaliilluni atoqatiginnittoqarsimaneranik nalunaarfigineqarput.
- Tasiilami pinngitsaaliilluni atoqatiginnittoqarsimanera pillugu nalunaaqutaq 00.30 nalunaarfigineqarpugut. Inuup pineqartup inatsit tunngaviusoq naapertorlugu killisiorneqarnissaanut tunngavissaqarnersoq maanna naliliiffigissavarput, Carl Sværd oqarpoq.
