Tasiilami pinerluttuliornerpassuit

Nunatsinni Politiit ukiumoortumik nalunaarusiaanni Tasiilaq arlalitsigut immikkut maluginiagassaavoq.
Tasiilaq, januaarip naalernerani 2010 Assi © : Marie Rødgaard
Allattoq Kenneth Elkjær
februaarip 15-at 2017 06:37
Nutserisoq Simon Uldum -

Tunumi illoqarfik 2500-inik innuttaqartoq 2016-imi pinerluttuliornerit pillugit nalunaarusiami nutaami sammisani arlalinni pitsaanngitsumik inissisimavoq.

Pinngitsaaliinerit 29-t, meeqqanik kinguaassiutitigut atornerluinerit 30-t kannguttaatsuliornerillu 17-it Tasiilami innuttaasunit siorna nalunaarutigineqarput.

AAMMA ATUARUK Kriseberedskab i Tasiilaq får ekstra hjælp fra Nuuk

Nuummullu 17.000-it missaannik innuttaqartumut sanilliutissagaanni, pinngitsaaliinerit 28-t, meeqqanik kinguaassiutitigut atornerluinerit aqqaneq-marluk kannguttaatsuliornerillu aqqaneq-marluk innuttaasunit nalunaarutigineqarsimapput.

Aammattaaq toqutsineq ataaseq toqutseriarnerillu pingasut Tasiilami 2016-imi nalunaarutigineqarsimapput. Nunatsinni illoqarfinnut allanut sanilliullugu taakku amerlanerpaajupput.

Pinerluttulerinermi inatsimmik unioqqutitsinerit katillugit 249-t Tasiilami siorna nalunaarutigineqarput.

AAMMA ATUARUK 520 socialsager på børneområdet i Tasiilaq

AAMMA ATUARUK Børnetalsmand: Fremrykker sin inspektion i Tasiilaq

 

 

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk