Tamaat isigalugu: Peqqinnissaqarfiup qarasaasiani atortut ajutooqqasut

- Qarasaasiani atortugut ajutooqqapput. Nakorsiat uninngasullu pillugit paasissutissat takusinnaanngilagut, Innuttaasut sunik nakorsaasersugaanersut takusinnaanngilarput.

Dronning Ingridip Peqqqissaavia Faceebookimi quppernermini taama allappoq.

80 11 11 attavigineqarsinnaanngilaq.

Kisianni pinasuartumik saaffiginninniaraaanni oqaraasuaat 34 44 00 ambulancinulluunniit  344 112 atorlugit saaffiginnittoqarsinnaavoq.

Dronning Ingridip Peqqqissaaviata facebookimi paasisssutisssiisssutini nutartertassavai.

Nunatsinni napparsimmavinni tamani qarasaasiaani atortut ajutooqqasut

Nunatsinni napparsimmavinni tamani qarasaasiani atortut ajutooqqasut, Peqqinnissaqarfiup pisortaa Tina Amondsen KNR-imut ilisimatitsivoq.

Ilulissani qitiusumik napparsimmavik Facebookimi ima paasissutissiivoq:

- Qarasaasiakkut attaveqarneq ajutoorpoq, inuit allagartai takusinnaanngilagut, aammattaaq nakorsaatit suut inuit pisarnerai takusinnaanagu.

Peqqinnissaqarfik Qeqqa aamma ajornartorsiorpoq, Facebookimilu ima aamma paasissutissiivoq:

- Qarasaasiakkut attaveqarneq ajutoorpoq, oqarasuaatilli ajoquteqanngillat. Aatsaat pinartoqartillugu 801112-imut sianerluni piffissamik inniminniisoqarsinnaavoq. Aatsaat ataasinngorpat nakorsiarnissamut piffissamik inniminniisoqaqqissinnaanngussaaq.

Politiit Grønlandsbankenilu ajornartorsiunngitsut

KNR-ip Upalungaarsimasut, Kalaallit Nunaanni Politiit, Issittumi Sakkutooqarfik Grønlandsbankenilu attaveqarfigai. Taakkua Qaraasaasiaminnik ajornartorsiunngillat.

KNR-ip Kalaallit Airports, Air Greenland aamma Tusass aamma attaveqarfigai, taakkualu akissuteqarnissaannut utaqqivoq.

KNR-ip pisut malinnaaffigeqqissaarpai.

Nunarsuarmi tamalaani qarasaasiani atortutigut ajornartorsiuteqartoq

Nunarsuami tamalaani qarasaasiani atortutigut ullaaq manna ajornartorsiuteqarpoq.

Australiamiit, Asiamiit, Europamiit USA-miilu timmisartuussinissanut tamanut sunniuteqartumik nunarsuarmi tamalaani qarasaasiani atortutigut ajornartorsiorneq aaqqinniarsaragitsik, qarasaasialerinermik suliffeqarfik Microsoft nalunaarpoq.

Ajornartorsiummik ullaaq mannali aaqqiiniarsarilerpoq.

Nunarsuarmi tamalaani qarasaasiani atortutigut ajornartorsiorneq qarasaasianut viruseqalitsaaliissummik CrowdStrikemik pitsanngorsaanermik pissuteqartoq oqaatigineqarpoq. Tassalu CrowdStrikemik pitsanngorsaaneq pissutigalugu qarasaasiat Microsoftip attaveqaatiliaanik programmillit atorsinnaanngillat.

Nittartakkakkut iserasuarniartut qarasaasiaasa skærmii tungujortuinnaasut qarasaasiaminnillu aallartitseqqeeqqusissummik allassimasumik ilisimatinneqartarput.

- Qarasaasiat atorsinnaanngimmat aallarteqqittariaqarpat, ilisimatitsissummi allaqqavoq.