Takornariat 13.000-it Matterhorn qimannaveeraat
- Sisorariaatigalutik takornariat aamma innaallagiaaruttoqartarneranik eqqugaaqqasut, sisorariartarfiup pisortaata oqaatigaa.
Aputip sisoorsinnaanera pissutigalugu sisorartarfimmi pistit oqartussanit matuneqarallarsimapput.
Illoqarfik Zermatt, 5500-it missaannik innuttaqartoq takornarianillu 13.400-t tungaannut najugaqartitsisinnaasoq aamma matoqqatinneqarpoq.
- Uivernissamut pissutissaqanngilaq. Kikkut tamarmik ajunngillat, Zermattimi takornarianut allaffiup oqaaseqartartua taama oqarpoq.
Allaffiup nittartagaani atuarneqarsinnaavoq illoqarfik tikinneqarsinnaanngikkallartoq qimanneqarsinnaanngikkallarlunilu. Innuttaasullu tamarmik kajumissaarneqarput illup iluaniiginnaqqullugit.
Zermatt nunap immikkoortuani Valaisimi meterinik 1620-nik portussusilimmi inissisimavoq. Illoqarfik qaqqat inngiinik meterinik 4000-inik portussuseqartunit arlalissuarnit ungalusimavoq.
Qaqqarsuup Matterhornip inngia Alpini qaqqarsiortartunit nuannarineqartupilussuuvoq. Qaqqarsuaq Schweizip Italiallu killeqarfiisa akornanniippoq meterinillu 4478-inik portutigaluni.
/ritzau/AFP