Takornariartitsisarneq inuussutissarsiornerlu pillugit Aasianni isumasioqatigiittoqartoq
Aasianni inuussutissarsiutit takornariaqarnerlu pillugit ulluni marlunni isumasioqatigiittoqareersorlu Kommune Qeqertaliup Naalakkersuisullu inuussutissarsiutit suleqatiigissutigilerpaat.
Allattoq Bikki P. Kleist
aggustip 31-at 2018 12:30
Inuussutissarsiornermut nukissiuuteqarnermullu naalakkersuisoq Aqqalu Jerimiassen, Kommune Qeqertalimmi borgmesteri Ane Hansen nammisortullu peqatigalugit inuussutissarsiornermut takornariaqartitsinermullu ineriartortitsinissamut atatillugu pilersaarusioqatigiipput.
Namminersorlutik Oqartussat taama ilisimatitsipput.
Kommunimi takornarianut sullissivimmik pilersitsinissaq anguniarlugu aqutsisooqatigiinnik kommuuninit Namminersorlutillu Oqartussanit peqataaffigineqartumik pilersitsisoqassasoq - Borgmester Ane Hansen aamma Naalakkersuisoq Aqqalu Jerimiassen isumaqatigiipput.
AAMMA ATUARUK Tasiilami takornariartitsisarneq inuussutissarsiornerlu pillugit isumasioqatigiittoqalersoq
