Takornariartaassuarmik nunatsinnukartut ikinnerusut

Umiarsuarnik takornariartaatinik Nunatsinnukartartut ukiuni kingullerni appariarsimapput. Nunatsinni Naatsorsueqqissaartarfiup kisitsisaataasa kingulliit tamanna takutippaat.

2010-mi 30.000-it sinneqalaartut umiarsuarnik takornariartaatinik Nunatsinniissimapput, ukiut pingasut qaangituttut 2013-imi kisitsisit 9000-ngajannik apparsimapput.

Apparnerinut pissutaasinnaavoq taamani Naalakkersuisuusut 2008-mi takornarianut ilaasunut akileraarut 525 koruuninngortimmassuk. Visit Greenlandilli pisortaata Anders Stenbakkenip apparnerinut nassuiaat taannaannaasorinngilaa.

- Appariaateqarujussuarneq umiarsuarujussuarniinnanilu angallatini mikisuniinngilaq. Appariarneq umiarsuarni akunnattuniippoq. Soorunami takornarianut akileraarummiippoq. Aammali umiarsuaatillit umiarsuit taamaattut atorunnaariartoraat, Anders Stenbakken oqaluttuarpoq.

Naalakkersuisooqatigiilersut isumaqatigiissutaanni anguniagaavoq, Naalakkersuisunngortussat misissussagaat umiarsuarnik takornariartaatinik takornariarneq  nunanut eruropamiittunut unammillersinnaasunngortinniassallugu.

Aamma atuaruk Naalakkersuisooqatigiilersut tusagassiortunik katersortitsinerat takoqqiguk

Umiarsuilli takornariartaatit taakkutuaanngillat takornariaqarnikkut pitsanngorsaaffigisassaasut.

Takornariat timmisartunik tikittartut amerlassusaat ukiut tallimat kingulliit nikerarpallaarsimanngillat, ukiumut agguaqatigiisillugu 70.500-simallutik.

- Tamanna naammaginanngilaq. Amerlanerunnginneri takornariaqarnermi ajornartorsiut annertuvoq. Suliffinnik piumaqisatsinnik pilersitsinngilaq. Takornariaqarnerpaaffiusartumi tikerartarput, amerlasuutigullu inissat tamarmik tunineqarsimasarput. Taamaattumik takornariaqarnerpaaffii sivitsorneqartariaqarput - ajornanngippallu ukiut arfinillit ingerlaneranni takornariaqarnermi isertitat marloriaatinngorlugit, Anders Stenbakken oqarpoq.

Aamma atuaruk Nipilersorneq aqqutigalugu takornariat amerlineqarniarput

Kajumissaarutigaalu Nunatta takornariaqarnikkut ineriartortitsinini nammineerluni aqunnerulissangaa. Tassami takornariartitsisartut nunani allamiut - soorlu Islandimiit - maanga nuuttalersimapput nunallu takornariaqarneranut aningaasaliillutik.

- Tikilluaqqunaqaat suliarpullu ineriartortissagutsigu peqataasariaqarput. Pingaaruteqarpoq aalajangissallugu takornariaqarneq qanoq ittoq anguniassanerlugu, takornariarpassuit ataatsikkorsuaq tikerartartut amerleriarujussuassanngippata. Taarsiullugu takornariaqarneq akisussaassusilimmik,  kulturikkullu piujuartitsisinnaasoq ineriartortittariaqarpoq, soorunami piffinni assigiinngitsuni aningaasatigut isaatitsisinnaasoq.

Aamma atuaruk Akunnittarfinni unnuisoqarnerulersimavoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat