Assi: Visit Greenland/Madeleine Uldum Glindorf/Flickr Creative Commons

Akunnittarfinni unnuisoqarnerulersimavoq

Akunnittarfinni init atorneqartut amerleriarsimasut, Nunatta Naatsorsueqqissaartarfiata kisitsisaataasa kingulliit tamanna ersersippaat.

2009-mi akunnittarfinni init atorneqanngitsut 63,8 procentiusimasut, ukiut sisamat qaangiummata 2013-imi 59,2 procentimut apparsimapput.

 

Taama ineriartortoqarnerata Visit Greenlandip pisortaata Anders Stenbakkenip nuannaarutigaa. Taanna isumaqarpoq taama pisoqarneranut pissutaasoq Islandip Nunattalu akornanni timmisartuussisarneq;  tamannalu ingerlaannarumaartoq.

 

- Taama nuannersumik pisoqarnerata ingerlaannarnissaa neriuutigaarput, Anders Stenbakken KNR-imut oqarpoq.

 

Kisitsisit siuariarnissamik neriusaarigaluartut, Island suli angoqqajanngilaat, naak Nunatta taanna assersuutigissallugu nuannaringaluaqingaa. Taakkumi 2013-imi akunnittarfiini inissat 62,8 procentii atorneqarsimapput.

 

Anders Stenbakkenip isumaa malillugu tamanna Nunatsinnut aamma piviusunngussappat, takornariaqarnerpaasarfiata avataani takornariat aamma ussagartinneqartariaqarput.

 

- Sulissutigisariaqarparput takornariaqarnerpaaffigisartagaata sivitsorneqarnissaa, taamaalillunilu aamma akunnittarfiit atorluarneqarnerunissaat. Takornariat ikinnerpaaffianni atuarnerup nalaani, atuinerit ikittuararsuusarput. Anders Stenbakken aamma qanoq iliorsinnaasugut siunnersuutissaqarpoq:

 

- Taamaaliorsinnaavugut ukiukkut upernaakkullu aaqqissuussatta maannamiit ersarissarnerullugit nittarsaalluarnerisigut, kalaallit islandimiullu takornariartitsisut niuvernerpalaartumik suleqatigiisillugit ukiukkut, upernaakkut ukiakkullu takornariartitsinerit tuniniartarnerisigut, Anders Stenbakken KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat