Takornarialerisut ikiorsiissutinik pingasunik millionilikkaamik aningaasaliiffigineqartut
Coronap ajornartorsiortitsinerani nunatsinni takornariaqarneq uninngavoq, inuussutissarsiortullu eqqugaangaatsiarput, isertitaarutigangajallutik.
Maanna ikiorsiissutit pingasunut agguataakkat tassalu ikiuigasuaatit, suliffeqarnermut ikiorsiissutit kiisalu sulianik ingerlatsinermut ikiorsiissutit naalakkersuisut isaappaat.
- Ikiorsiissutit 45 millionit koruuniussasut Naalakkersuisut naatsorsuutigaat.
-
Taakkunannga ikiorsiissutinut 35 millionit koruunit, ingerlatsinermut ikiorsiissutissatut 3 millionit koruunit sinneruttullu 7 millionit koruunit suliffeqarnermi ikiorsiissutini aningaasartuutinut matussutissatut.
-
Ikiorsiissutit atuutilereerput, juunip ulluisa 30-ata tungaanut atuutissallutik.
Ullunili tallimani mattusimanissamik atuutsitsineq atorunnaarpat, tassanngaanniit ullut 30-it qaangiuppata atorunnaarsineqassaaq.
- Maanna pissutsit immikkorluinnaq inissisimanerat immikkorluinnaq ittunik aaqqissusiornissamik pisariaqartitsivoq, ikiorsiissutillu pissutsit inissisimanerinut iliuusaapput. Ikiorsiissutit ataavartumik aaqqiissutaannginnerat Naalakkersuisut erseqqissaatigissavaat, taakkumi pissutsit ajornerpaat qaangiunnissaasa tungaannaannut aaqqissugaagallartuupput,
Aningaasaqarnermut naalakkersuisoq, Vittus Qujaukitsoq tusagassiuutinut nalunaarummi allappoq.
Siunertaajuaannarsimasoq
Inuussutissarsiornermut aatsitassanullu naalakkersuisup, Jens Frederik Nielsenip, takornarialerinermut ikiorsiissutit sivitsorneqarnissat septembarimili oqaatigaa:
- Ikiorsiissutit takornarialerinermut tunngasut sivitsussallugit maannakkut pilersaarusiorparput. Takornarialerineq suli eqqornerlunneqaqqavoq, taamaattumik pisariaqarpoq taakku sivitsussallugit, inuussutissarsiornermut naalakkersuisoq, Jens Frederik Nielsen, septembarimi KNR-imut oqarpoq.
AAMMA ATUARUK Takornarialerisunut ikiorsiissutit sivitsorneqalertut
Naalakkersuisut coronap maannamut ajornartoortitsinerani ikiorsiissutinut tamanut 10 millionit koruunit aningaasartuutigigaat inuussutissarsiornermut naalakkersuisup septembarimi oqaatigaa. Maannamullu 45 millionit koruunit ikiorsiissutigineqarnissaat naatsorsuutigineqarpoq.
AAMMA ATUARUK Sulisitsisut ikiorsiissutit pillugit: Atuutilersinneqaqqeriaannapput
