Geninik ilisimatusarneq Taamaammat 15 kiilunik oqimaappallaarputit

Puallarnissamut geni qaqutigoortoq nunatsinni innuttaasut peqqissusaannik misissuisoqarnerani ilisimatuunit paasineqarsimavoq, taannalu pualaneq sukkornerlu pillugit ilisimasanik nutaanik pingaarutilinnillu pissarsiaqarfigineqarsinnaavoq.

Puallarnissamut geni qaqutigoortoq nunatsinni innuttaasut peqqissusaannik misissuisoqarnerani ilisimatuunit paasineqarsimavoq, taannalu pualaneq sukkornerlu pillugit ilisimasanik nutaanik pingaarutilinnillu pissarsiaqarfigineqarsinnaavoq.

Geni pineqartoq innuttaasut 3-4 procentiisa pigigaat paasineqarpoq, angajoqqaallu arlaannit kingornussaasarpoq. Ilisimatusarnermili angusat naapertorlugit soqutiginartua tassaavoq geni angajoqqaanit marlunnit kingornunneqarsimagaangat sunniutaata sakkortuupilussuusarnera.

- taamaattoqartillugu agguaqatigiissillugu 15 kiilunik oqimaannerusarput naavisalu uuttortarneri 17 centimeterink nerutunerusarlutik, Københavnimi Steno Diabetes Centerimi nakorsaaneq Ilisimatusarfimmilu professori Marit Eika Jørgensen taama oqarpoq.

AAMMA ATUARUK Vi bliver tykke og dovne

Nererusuttuaannartut

Geninillu marlunnik pigisaqartuni oqimaanneruneq naaqarnerunerlu akiornissaat sapernarnerusarpoq.

- Genimik nererusussutsimut sunniuteqartumik pigisaqartut nererusussusiat annertunerusarpoq.

Marit Eika Jørgensenip oqaatigaa genimik tamatuminnga pigisaqartut peqqinnartunik nerisaqarnikkut timigissartarnikkullu oqimaassusertik aqukkuminaatsittupilussuusaraat, erseqqissaatigali qanoq inooriaaseqarneq sukkornermut type 2-mut tamatigut sunniuteqartartoq.

- Qanoq nerisaqartigineq, timip aalatinneratigut kaloriat timimi qanoq annertutigisumik uunneqartarneri kiisalu nerisat qanoq pitsaassuseqarnersut aamma apeqqutaasarput.

AAMMA ATUARUK Genip immikkuullarissup kalaallit sukkulersittarpai

Paasisat nutaat nunarsuaq tamakkerlugu iluaqutigineqassapput

Nunarsuarmi sumiiffinnut allanut naleqqiullugu geni nunatsinni innuttaasut akornanni pigineqarneruvoq, naggueqatigiilli Inuit tamanna immikkuullarissutiginngilaat, ilisimatuummi aamma Afrikami Kangianilu geninik toqqorsivinni ataasiakkaanik aamma nassaarsinnaasimapput. Taamaammat paasisat nutaat pualavallaarnermik sukkornermillu katsorsaasarnerup nunarsuaq tamakkerlugu ineriartortinneqarneranut pingaaruteqarsinnaapput.

- Paasisatsinni pingaarnerpaaq tassaavoq sooq puallariartortoqartarnerata paasisaqarfiginerunissaa timillu nerusussutsimut atortua qanoq pingaaruteqartiginersoq.

Pualavallaarnermulli sukkornermullu katsorsaammik tigussaasumik peqalernissaa ungasissumiikkaluartoq Marit Eika Jørgensenip paasisat nutaat isumalluarfigisupilussuuai.

- Pualavallaarnerup sukkornerullu nappaatitut qanoq ittoorpiarnerinik nalinginnaasumik ilisimasatsinnut sunniuteqartupilussuusinnaapput.

Isummersuutit





Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat