Taalaq nuuttoq, Mette angerlarpoq: Sinerissami suliffissat amigaataapput
Sinerissami illoqarfiit inussaaleqisut, Nuummi akerlianik inissanik amigaateqarput. Inuerukkiartorneq nussornerlu, kommunimut inatsisartunullu qineqqusaarnermi qulequtarineqarpoq.
Nunatsinni innuttaasut pingajorarterutaat Nuummi 2021-mi najugaqartuupput.
Nuummi innuttaasut siornamut sanilliullugit ukioq manna 474-nik amerleriarlutik, 18.800-ninngorput.
Naatsorsueqqissaartarfiup kisitsisisaatai taamaapput.
AAMMA ATUARUK Siumut vil flytte arbejdspladser og uddannelser fra hovedstaden
Kommuneqarfik Sermersuumi, Kommuni Kujallermi Avannaatalu Kommuniani innuttaasut siornarniit ukioq mannamut amerleriarput.
Kommune Kujallermi innuttaasut 15-inik amerleriarput, Avannaatalu Kommuniani 94-inik amerlisut.
Qeqqata Kommuniani innuttaasut ikileriarnerpaallutik, 73-inik ikileriarlutik maanna 9.305-iupput.
Siunissaq nalorninartorsiorfiusoq
26-inik ukiulik Taalaq Davidsen, Qeqqata Kommunianiit nuuttut ilagaat. Taassuma angutaataa Sisimiuni umiarsuarmi motorilerisutut suliffissaqanngimmat, 2019-imi Ilulissanut nuupput.
- Suliffissat, Sisimiuni suliffissat, aappara Sisimiuni umiarsuarmi motorilerisutut nunamiinnissaminut nunamiinnissaminut suliffissaqannginnami,
Taanna Sisimiunut uteqqinnissaminik takorluugaqanngikkallarpoq. Suliffissalli ajornannginnerusuuppata uteqqissinnaanissami takorloorsinnaavaa:
Mette Berthelsenip pinngortitamiinnissani pingaartitaraa. Tamannalu Nuummiit Sisimiunut nuunnermini piffissaqarfigisinnaasimavaa. Asseq nammineq assilisaq.
- Sisimiut toqungasutut uanga isigivara. Siumut ingerlariarsinnaanngitsoq, taava uanga nammineq isumaqarpunga ilaqutariiullutta Sisimiuni siunissaqanngilagut, naak ilaquttagut amerlanerit taakaniikkaluartut.
33-nik ukiulik, Mette Berthelsen, aappani meeqqatillu marluk, ilaquttat pillugit Nuummiit Sisimiunut siorna aasakkut nuupput.
Taakku meeqqami aanakkui pinngortitarlu qanilliniarlugit nuupput.
- Taava nuukkatta eqqissisimanarsuaarpoq, uippakajaartut akornaniikkunnaarluta, immitsinnut piffissaqarfiginerulerluta taavalu asimiinnerulerluta, Mette Berthelsen taama oqarpoq.
Suilffik, peqqinnissaqarfik najugaqarfiillu
Mette Berthelsen taama oqarpoq. Innuttaasut amerlanerusut nunaminnut angerlarnissaat iluatsissappat, suliffeqarfiit amerlanerusut periarfissaasariaqartut, Mette Berthelsen aamma Taalaq Davidsen, isumaqarput.
- Suliffissat ajornannginnerusuuppaata, ilinniagaq aallaavigalugu suliffissat amaerlanerusuuppata.
Mette Berthelsen aamma isumaqataavoq:
- Taava soorlu namminersorlutik oqartussat suliffiutaat nuussunngikkaluarlugi afdelinginik illoqarfinnik assigiinngitsunik sanasuugunik taava namminersorlutik oqartussat suliffiutaat siammartersinnaagamik.
Taakku saniatigut peqqinnissaqarfinni periarfissaasut pitsanngorsarneqarnissaat Mette Berthelsenip kissaatigaa. Taassuma ilaatigut juumuut amigaataanerat erseqqissaatigaa.
- Neqeroorutit sinerissamiittut pitsanngornsarneqartuugunik taavalu inissiat pitsaanerulerlutik ullutsinnut naleqqunnerulerunik sinerissami aamma Nuummituulli taava angerlartut aamma amerlissagaluarput.